【專訪】尹光阿肥《潮神》紅爆網：我哋根本就係吹水無料到！
在香港除咗居住空間存在土地問題外，喺樂壇要玩rap同Hip Hop一樣都有土地問題。市場空間太小，就算每過一陣子有rapper膽粗粗走出嚟出碟都好，都玩唔到一陣就捱唔住，所以要搵食兼且又可以打響名堂嘅rapper嚟嚟去去都係嗰班人，所以為了自己，為大眾接受，生存下來嘅人都要不時諗啲新意思衝撃一下樂迷。有「廟街歌王」之稱嘅尹光，最近就搵嚟24Herbs（廿四味）成員阿肥（Phat）齊Crossover出新歌《潮神》，以兩位不同年代嘅人用rap形色反映大家對「潮」嘅睇法。
攝影：梁碧玲
髮型：哈佛
每年都有新歌推出嘅「廟街歌王」尹光，最近推出了新歌《潮神》。《潮神》推出不久已經得到唔少樂迷認同，未夠一個月Youtube點撃已經高達六位數字，相比起年輕一輩絕不遜色。今次仲首度與Rapper阿肥（廿四味成員）合作，原來光哥一直都非常欣賞阿肥，而且仲視阿肥為學習對象。尹光：「今次合作好多謝阿肥睇得起我，皆因佢係正宗Rapper，我可以跟佢學嘢，佢rap嘅時候嘅動作真係靚到不得了。」
講到新歌《潮神》，原來已經係兩年前嘅貨仔，不過兩年後推出都一樣夠潮。阿肥：「哩首歌本來係有份監製何鈞源其實每年都會幫光哥作曲，哩首歌《潮神》其實已經放咗喺到兩年，詞都一早填好，不過當時填詞人兼合唱人KZ因為佢囡出世所以就未有時間，結果監制就搵咗我一齊唱，而且再叫梁柏堅幫手填副歌部分，因為兩年前兩年後世界都唔同咗。」
當大家聽哩首《潮神》以為單純係講現時潮流時，原來並不是如此簡單。阿肥：「《潮神》哩首歌係用上嬉笑恕罵嘅方式去演繹究竟乜嘢係潮，我嘅潮，同光哥心目中嘅潮又唔一樣，我哋嘅潮又可能同你諗嘅潮唔一樣，所以如果你留意哩首歌嘅歌詞同MV，你會發現我哋每人分身兩角，去表達各有各嘅潮。」尹光：「其實哩首歌根本就係要我同阿肥喺到鬥認叻，大家一邊以rap battle講吓自己有幾威，如果大家留意MV結局，你會知道其實我哋兩個只喺認叻認潮，根本就係吹水無料到。」
講到新歌《潮神》，原來已經係兩年前嘅貸仔，不過兩年後推出都一樣夠潮。阿肥：「哩首歌本來係有份監製何鈞源其實每年都會幫光哥作曲，哩首歌《潮神》其實已經放咗喺到兩年，詞都一早填好，不過當時填詞人兼合唱人KZ因為佢囡出世所以就未有時間，結果監制就搵咗我一齊唱，而且再叫梁柏堅幫手填副歌部分，因為兩年前兩年後世界都唔同咗。」
當大家聽哩首《潮神》單純以為係講現時潮流時，其實阿肥：「《潮神》哩首歌係用上欺笑恕罵嘅方式去演繹究竟乜嘢係潮，我嘅潮，同光哥心目中嘅潮又唔一樣，我哋嘅潮又可能同你諗嘅潮唔一樣，所以如果你留意哩首歌嘅歌詞同MV，你會發現我哋每人分身兩角，去表達各有各嘅潮。」尹光：「其實哩首歌根本就係要我同阿肥喺到鬥認叻，大家一邊以rap battle講吓自己有幾威，如果大家留意MV結局，你會知道其實我哋兩個只喺認叻認潮，根本就係吹水無料到。」
光哥談到與阿肥合作，似乎很有新鮮感，畢竟「尹光式」Rap歌有別於正宗的Rap：「今次同阿肥合作好開心，覺得佢雖然Rap界出名，但人好nice，無擺款，一問佢就肯教，特別係Rap時嘅動作。」受到尹光力讚，阿肥都好識做，馬上賣口乖：「光哥喺樂壇上係佔有一個好重要嘅席位，無論粵曲界，流行曲界，電影。」尹光：「大家方法唔同，我覺得光哥今次嘅Rap有突破，佢今次唔係唔係四拍四咁簡單，玩咗好多新方式，一啲都唔老土。其實大家一聽就會聽到。其實我覺得Rap歌最難係背歌詞，做騷時又要記歌詞又要做動作真係好難。我還記得十幾年前嘅《少理阿爸》係最難，因為係我嘅第一次。
嚟緊光哥7月會開騷，光哥有無叫阿肥mark定期做嘉賓，阿肥馬上搶答：「我求咗佢好耐啦，希望到時光哥可以預首歌俾小弟。」光哥：「一定會預埋阿肥，到時我哋會唱幾首Rap歌。到時阿肥仲會Rap我嘅作品，所以阿肥，你一陣翻去記得背熟啲歌啦，因為我開騷係無字幕睇架。」