【專訪】張惠雅HotCha組軍7年　贏人氣冇收入：公司話歌手係咁

「Neway 簽咁多人去搞演唱會同發行，我想讀中醫，唔想浪費公司時間，佢又唔想浪費資源，不如算啦！」
一段感情，要斬纜談何容易，更何況是十年情。
攝影：黃國立

HotCha由出道起，一直深受年輕人喜愛，因為形象健康活潑，起碼你話自己鍾意hotcha，唔會畀人笑。三女每次演出其實都好認真，三個都好易相處，3位咁相處的女生，又有邊個諗過，14年會宣佈解散呢？Regen張惠雅更離開埋公司Neway，原來Regen終於要「面對現實」。

「咁多年最唔開心的事，到現在都冇畀過家用，我好唔開心，29歲，但呢一刻的狀況仍要家人擔心，好唔開心，但別人說做歌手會係咁，我唔鍾意這句說話，我們是專業的，付出了許多時間精神，係值得有個價錢。」她又謂：「我真係好想照顧屋企，我老了，仲係咁樣唔得的，但公司安慰說，做歌手是這樣的了，慢慢來，可能突然間有呢，但我29歲要面對呢個現實。」

Regen坦言，Hotcha時期都儲唔到錢。「我果時的收入低過文員，當時支出好多，17歲時只想唱好歌，忙到一朝早返工放工，唔需要洗錢，當時公司好照顧我們，食野﹑衫都會幫我們搞惦，但現在要自己處理。」做獨立歌手之後，Regen要獨自處理接Job問題，傾談價錢都咪話唔尷尬，對她最困難，原來係處理文書。

雖然自己接Job收入比在舊公司時多，但沒有新歌的歌手，基本上唔係咩歌手，她坦言：「想做新歌，要儲錢做，希望可以中六合彩，好多時會諗，需要一間公司就是因為想出歌，我自己一個，應該要搵一間好肯做音樂的公司，呢一個仲諗緊的階段，唔係好心急，但好隨緣。」

「我好記得細個小學，對電視日跳夜跳，背日文歌詞，小五小六玩比賽，去到現在，這個事業對我人生好重要。」

「我唔係要做明星」

Hotcha 三女雖然各有自己目標尚未達成，不過，筆者對於Regen的「事業高峰」十分好奇，到底Regen會唔會覺得hotcha是她的演藝事業最高峰？她想了一想，說：「我覺得係選擇，Hotcha是一定最OK的，但我當時選擇離開香港，已經選擇了，現在都有問過自己，我選擇咁平淡的生活，選擇感受多些的生活。既然你已經選擇了，野心已經放低，好隨緣，就係咁。」

29+1的Regen，離開公司自己創事業，又係唔係佢最希望做的事嗎？認真思考下，得出以下答案，她說：「我覺得依家係最舒服，但未必係最終選擇，我個人好跳，有什麼機會就做！」

對於30歲前的目標，非常明確。

「30歲前的目標？ 希望可以畀家用屋企啦！」

《心跳500天》Youtube播放超過100萬，Regen開心之餘又有點感慨：「HOTCHA 時間都冇100萬，好可惜，如果HOTCHA 有YOUTUBE就好了。」