5元兩球雪糕小店排長龍　西九龍中心保安稱截龍趕客

深水埗西九龍中心有雪糕店5元出售兩球雪糕，吸引大批顧客，然而雪糕店早前被告知不獲續租，並將於母親節當日結業。小店店主向《香港01》指，昨日（1日）傍晚有商場保安趕走客人，「叫啲人唔好食」。

八十後Calvin為回饋深水埗街坊，去年在西九龍中心開設車仔檔售賣雪糕，每球雪糕如拳頭般大，兩球只售5元，低廉價格吸引不少街坊惠顧。日前有網民在facebook專頁「名校Secrets」透露，小店將不獲西九龍續租，不少顧客紛紛在小店結業前幫襯，過去兩日公眾假期店外更大排長龍。

店主：再發生就報警

Calvin向《香港01》指，5月1日傍晚6時至7時期間，約20名顧客正在排隊等待買雪糕，但有保安「趕啲客走，唔畀買雪糕」，有客人告知Calvin後，Calvin便與李姓保安交涉。「啲客問我，我就問返保安，佢唔出聲，我同啲客講，再發生，我就報警」。

對於太多人顧客排隊，Calvin強調，當時商場保安已經以圍欄圍起排隊人群，並無影響其他車仔檔，「但佢叫啲人唔好食，唔畀佢哋排隊」。Calvin指如果商場保安認為太多人影響其他車仔檔，「佢哋管理員可以幫我分流，維護秩序」，而並非直接告知顧客「截龍」的假消息。

網民：真係想知咩事趕盡殺絕

另外，亦有網民投稿至「名校Secrets」，指雖然多人排隊，「但係見到啲保安玩嘢，我就更加要排！」該帖文形容保安「將條隊屈入個好窄嘅位度逼我哋打個圈排，然後搵個欄阻住啲人繼續排，見啲人唔走就開始周佢哋講截咗龍無得食」。亦有網民在「名校Secrets」帖文內留言，稱「啲保安成隊人過嚟，仲暗瓦底cut龍」，批評西九龍中心「咁都唔續租兼好似趕盡殺絕咁對人」。

《香港01》就此向西九龍中心管理處查詢，暫未獲回覆。