女友偷刪遊戲數據冇晒　原因超傻眼　港男嬲爆掟手機遭斥暴力狂

花心力打機一段時間後突然要「砍掉重練」，的確令人很崩潰！有港男於討論區發文大呻，日前女友到訪他家，趁他離開一陣子時偷偷刪除其電腦中的遊戲，他事後揭發事件，重新安裝後遊戲紀錄全無，女友亦主動承認是罪魁禍首，做出此舉原因是「想試下我鍾意佢定鍾意遊戲多啲」。他一怒之下大力擲女友手機在地上，手機瞬間粉身碎骨，結果他被女友四處宣揚是「暴力狂」。

該港男於Dcard討論區以「因為一件事我掉爛咗佢電話」為題發文表示，日前女友到訪他家，其間要求他外出幫忙買飲料，「依家諗返起覺得佢係借啲意使走我」。回到家後女友表現得若無其事，他當刻並不知道對方在他離家期間所做的事。直至女友離開後，他開電腦打算打機，卻發現平日玩的遊戲消失不見，當時他沒想那麼多，以為是電腦出問題，於是重新安裝，「之後就出事喇，遊戲入面全部紀錄冇晒」。

他說，雖然女友之前到訪過他家，知道他的電腦密碼，但也沒懷疑過是女友刪除遊戲，其後還於討論區向其他玩家求助，「睇下有冇人帳號出事，咁當然個結果係冇啦」。他形容，「嗰晚我成晚sad（傷心）到瞓唔着，因為玩咗好耐，而且都使咗唔少錢喺入面」。

他續說，翌日與女友見面時，女友察覺他表現傷心，於是關心問候，他向女友訴說事件，「點知佢認係佢搞嘅，我當刻個腦空咗，取而代之嘅係成肚火」。他氣憤地問「點解要咁做」，女友解釋「因為想試下我鍾意佢定鍾意遊戲多啲」，他一怒之下大力擲女友手機在地上，手機瞬間粉身碎骨。他無奈道，現時女友向朋友們「唱我係暴力狂」，他不知如何是好，慨嘆「已經係搞到我身邊所有人都知，一堆人走嚟問我發生咩事」。

有網民搞笑建議樓主可向女友說，「我想試下你鍾意我多啲定部電話多啲」、「以其人之道還其人之身」以解決事件，又笑言「呢啲唔好放生please」。

不少網民直言愛好打機的人，遊戲數據是命根，「哇，我係女仔，我見到你話揼爛佢手機覺得好爽，game呢啲係打機嘅人條命嚟㗎喎」、「有咩理由直接del（刪除），有病」、「嫌打得多咪直接同人講，打少啲ok㗎喎，但game入面啲成就/抽到嘅嘢/做咗嘅task（任務）真係冇咁容易就返到嚟」。

網民一面倒批評樓主女友擅自刪除遊戲的行為，直言其性格難相處，「救命，你一開始鍾意佢啲咩，個格咁港女，執到都喊三聲」、「onX女人係唔知點解好鍾意用激嬲另一半去試探對方，但係呢個方法本身係消磨緊另一半嘅愛」、「呢啲女人真係黐線，ching遇到唔好彩」、「咁嘅黐女都有男朋友，咩世界」

有網民勸樓主分手，「秒分都嚟緊，0愛already（已經）」、「咁大個人都唔識分咩係唔應該做，真心不了」、「咁個女嘅都唔係鍾意你啦，鍾意你點摧毀你鍾意嘅嘢，快啲分啦」、「唔分留返嚟過年？」。