公屋｜等8年終收合格信　網民感恩盼一家安居：希望一路順利落去

輪候公屋花上大量時間，不少人等候十年八載，只為獲派單位的一刻。有網民近日分享好消息，表示等了8年，在今年2月尾收到見房屋署主任的通知書，直至近日終收到合資格通知信，稱相信很快就會有首派單位的消息。樓主坦言，因為無能力買樓上車，只好一直輪候公屋，鼓勵同路人保持樂觀，「呢8年唔易過，好難捱，不過人只要捱過就有希望，依家已經見到曙光，所以好感恩」，其正面心態獲大批網民讚好。

該網民近日於Facebook群組「香港公營房屋討論區」撰文，表示自己是80後的「N無人士」，於2015年開始以4人家庭申請輪候市區公屋，等足8年終於在2月尾收到信件，安排見主任做審查。直至近日他終收到合資格通知信，「估唔到咁快收到合資格信，仲諗住要成2個月，即係距離首派時間就近咗」。

樓主直言非常感恩，因為無能力買樓，只好一直在等候公屋，期間抱着「捱住先」的心態撐下去，「呢8年唔易過，好難捱，不過人只要捱過就有希望，依家已經見到曙光，所以好感恩，希望一路順利落去，希望首派就能夠一家入住」。

樓主亦鼓勵同樣在輪候公屋的網民，「大家等緊嘅一定要堅強咁等到呢日呀，雖然首派好多人話都耐咗，不過唔緊要，只要有個安樂窩」。

帖文引來大批網民讚好，又恭喜樓主接獲好消息，「祝你派到心水單位」、「我嘅情況同你一樣，都等咗9年，今年3月已派房，首派已接受，因為只求安居，祝你都派到心水，安居樂業」、「樓主應該好快可以上樓，加油」、「恭喜你，希望你順順利利，首派就上樓」。

（Facebook群組「香港公營房屋討論區」）