日日返工要歌頌老闆夫婦3句話　打工仔：似邪教　網民：誇誇群？

唔聽讚賞唔安樂？有打工仔於討論區發文表示，入職了新公司1個月，她發現同事「真係好X黐線」，每早見到老闆和老闆娘都會歌頌他們1次，她形容「好似邪教咁X樣」。

該名打工仔於Dcard討論區以「間公司好似邪教教會咁」為題發文指出，同事每早通常會大讚老闆和老闆娘「今日套衫好靚呀、個袋好靚呀、皮膚好好呀」，有次她沒有作聲，經理立即拉走她問「做咩唔講嘢？係咪想死」。

網民留言直指誇張，「sis你做邊行？傳銷定直銷？」、「誇誇群成員？」、「洗讚小鴨鴨員工？」、「好鬼癲，間公司做咩㗎？」、「刷鞋刷到咁」、「出糧畀你刷鞋，相信只係佢哋生存之道，而唔係真心」、「想請問唔講嘅話，除咗俾經理問係咪想死之外，仲有冇啲乜嘢負面嘢，做嘢會唔會多咗阻滯？」。