【劣食極限】恐怖藍色意粉網上熱傳　廚師留言道歉

日前有facebook專頁登出一盒染成藍色、稱含紫薯的海鮮意粉，投稿者直言「不敢直視」、「食咗唔夠一半就丟咗」。圖片吸引逾4,000人讚好及「嘩」，不少網民留言指「睇見就想嘔」。
有自稱該店廚師昨晚（9日）留言回應，指「事前無做好資料搜集，亂咁推出失敗」，並向食客致歉。

facebook專頁「劣鳩飯堂」日前（3月8日）發帖，稱有網民投稿，購買一盒「忌廉紫薯燴魚蓉海鮮意粉」。帖文的圖片為一盒紫薯海鮮意粉，當中盒內海鮮被染成藍色，該名網民指「一打開飯盒真係嚇咗一跳」，又指「賣相令人一見難忘，不敢直視！平生第一次咁冇衣食，但係內心恐懼大過一切，所以食咗唔夠一半就丟咗」。

該名讀者又指，曾致電該餐廳詢問為何海鮮呈藍色，但對方堅稱紫色，並指「佢食過都無事」。「劣鳩飯堂」小編指「admin睇完好想嘔」，有網民形容海鮮顏色「似小學美術堂洗完水彩盒倒出嚟嗰啲水」，笑言猶如「阿凡達意粉」。亦有網民指，因紫薯內有花青素而令食材變成藍色，「其實係冇事嘅，好唔好食另計」。

廚師留言致歉

一名自稱該店廚師的網民昨晚在「劣鳩飯堂」facebook專頁留言，指每日均希望製作不同款式午餐，最初設計忌廉紫薯燴魚蓉海鮮意粉時，是希望帶出新意及健康予客人，「但事前無做好資料搜集，亂咁出推失敗」。該名廚師稱，煮好忌廉海鮮後才加紫薯，但發現紫薯擺放半小時後開始變色，「心想今次瀨嘢」，但因已製作數十個紫薯餐，「唔想掉哂佢」。

該名廚師在留言中向食客致歉，指「唔想我一個人錯失而影響公司聲譽」，又指自己是有心做食物予顧客，希望一眾網友見諒，同時向看過藍色海鮮意粉圖片後感到不安的網友致歉，承諾日後會做好研究及資料搜集，不再出錯。

記者多次致電該店，但對方稱「老細唔喺度」而並無回應。

不少網友看過廚師的道歉後，均對該名廚師表示讚賞，稱「至少感到佢有誠意搭夠」，並希望該餐廳要進一步提升食品質素，「希望最後劣食變好食喇！」但亦有網民質疑，廚師目撃海鮮變色仍賣出食物，「就知道間嘢良心……垃圾都可以推出去」該名廚師亦再現身回應，指「因為做了太多初時想掉了好浪費」，但後來亦停止售賣，強調「其實真的不是為了錢，就算賺了也不是我袋」。