3港人入圍「全球最大型攝影比賽」　攝影師：希望為香港爭光

少女不經意回眸，旁邊盡是芒草，攝影師捕捉的這一剎，成功入圍「2017年索尼世界攝影大獎」組別前10名。在多達227,000份作品之中，公開組總共有3位港人突圍而出。
「攝影師就係攝影師，唔係龍友」，其中一位入圍的攝影師OqWing，希望有質素的作品，可以令港人對攝影師有所改觀，登上國際舞台，期望為香港爭光。

國際攝影比賽有很多，但「2017年索尼世界攝影大獎（Sony World Photography Awards）」，被喻為全球最大型的攝影比賽，以今屆為例，大會便收到183個國家，超過227,000份參賽作品。其中在公開組動態（Motion）組別入圍前10名的，有從事電腦顧問（IT solution）的韓先生（OqWing）。

飛鵝山少女跳舞相　「希望幫香港人爭光」

OqWing在飛鵝山拍攝一張少女被芒草包圍的相片「Dance（跳舞）」，成功入圍，他接受《香港01》訪問時表示，「好多人都唔知嗰度有芒草」，天色、芒草、少女，形成悅目的畫面。他7年前開始醉心攝影，一直當成業餘興趣，之前從未參加過大型的國際攝影比賽，有一日「有朋友同我講，係時候了解吓世界攝影，試吓自己去到咩程度」。

習慣拍攝人像及風景的OqWing，平日習慣與其他攝影朋友一齊約模特兒出外拍攝，但經常被以「龍友」相稱，其實他有點介意。「因為我哋真係想影相，唔係搞搞震，同一般人形容嘅龍友有分別」，期望今次入圍或奪獎，可以令人覺得「攝影師就係攝影師，唔係龍友」，還希望最終可以「幫香港人爭光」。

大阪晚上零光害「月光」　極寧靜

另一個在公開組靜態「Still Life」組別入圍頭10名的Wilson Lee，有一次到日本淡路島旅行，在酒店拍攝到這一張「Moonlight（月光）」，他向《香港01》表示，「當晚返到酒店一打開門就見到呢個畫面，毫無光害的情況下，房間剩下月光的光線」，感覺極其寧靜，他二話不說拿起相機拍攝。

年僅24歲的Wilson，兩年前已於同一比賽得獎，他認為「每年參加比賽都要睇返呢一年影嘅相，某程度上都係種review（檢討），如果嗰年搵唔到相參賽，你就知道影得唔好」。Wilson大學畢業後從事銀行，對於以後可否以攝影維生，他則不抱期望，「自己都係一個鍾意安穩嘅人，未必忍到朝不保晚嘅工作，可能將攝影當成興趣會更加開心」。

入圍公開組創意「Enhanced」組別頭10名的「The Opposite」，是平面設計師Tomy的作品。比賽結果將會於3月28日公布，屆時將會選出專業賽、公開賽、青少年賽及學生組賽的冠軍作品。