【有聲】連登巴打改編獎門人開場曲　「保釋金　數百萬當係碎銀」

前日（2月17日）七警案全部被告被判襲擊致造成身體傷害罪成，入獄2年，多個親建制團體不滿裁決，並發起遊行撐警及批評法官裁決。
另一邊廂就有連登巴打妙想天開、發揮創意，幻想由獎門人做法官審理此案，更創作開場曲，十分有畫面。

有團體昨日（18日）發起撐警遊行，出現侮辱法官的標語，如「杜大衛食屎賊」。律政司發言人指十分關注，會將有可能構成藐視法庭的行為，轉介執法機構調查。

不過有人愁之餘又有人發揮想像力 ! 一眾連登巴打在七警案宣判後討論「如果獎門人做法官會點？」，為獎門人曾志偉和一眾長老設計對白，十分抵死，更為獎門人的開場曲填上新詞，不久即有巴打唱出這首「保釋金 (嘩！) 數百萬當係碎銀」，更製作MV，非常認真！

除開場曲外，巴打們更為節目排流程、為獎門人及長老們設計對白，更有問答遊戲、大電視等經典環節，不少人大讚單看文字，腦海已經有聲有畫面。

結果：打和！

最多人關心當然是獎門人最終會如何判案，有巴打引用獎門人其中一個慣常分勝負手法，「叫觀眾席拍手掌決定邊個勝訴，不過最後都係打和」；又或者「本席宣佈，被告謀殺罪名成立，SUPER！」，不少巴打都說笑到失控。