拎明星相畀髮型師照住剪

英國《每日郵報》刊出一名入行25年的髮型師的文章，他於文中大爆行內「最棘手的客人」，就是拿着明星相，要求髮型師「參考」。踏入秋季，不少人都心思思想轉換髮型，有否發現每次想向髮型師形容心目中理想髮型時，都很難用言語表達，故不少人乾脆用相予髮型師「參考」，但原來髮型師最忌以上做法，咁到底點做先啱？

《香港01》訪問了兩位本地髮型師，指普遍客人都會提供「心水」髮型相片作參考，但髮型師多會提醒效果不可能一模一樣。「基本形狀都會跟到，但由於每個人髮質都不一樣，加上髮型師的手勢和技術有異，故難以百份百吻合」。他建議「最穩陣」方法，就是提供自己曾剪過的髮型照片助髮型師參考。

至於「明星相」，另一髮型師則笑言「經常都有人拎明星相嚟叫我剪」，但他會提醒客人，儘管完成品與相中人一樣，但相中人為「明星」，他們每天第一件事就是「set頭」，才可長期以同一髮型示人，且「set頭」價錢頗貴；他又指，最重要，但又最殘酷的，就是要問自己「有無明星咁靚」，如無，就不要有太大期望了。