潛水友末日？　WhatsApp新增tag人功能　

WhatsApp群組你一言我一語，一晚隨時有過百個未讀訊息，如何追回重要訊息？如何令「潛水友」無法以「睇唔到」為藉口已讀不回？WhatsApp近日推出新版本，用家在WhatsApp群組可用「標記」（tag）功能，提醒特定人士閱讀訊息。

WhatsApp 早前推出新版本2.16.10，新增「標記」功能，只要在人名前加「@」，即使對方已將群組調較至靜音，仍會響起提示鈴聲及彈出通知，被tag者冇得再扮睇唔到！即使群組內訊息極多，只要有朋友tag你，仍可快速「追post」。新版本目前僅支援iOS及Android手機，桌面版暫未能使用。

不過，網民對新功能多持負面意見。有人質疑功能多餘，「係唔覆就唔覆㗎啦」、「人咃有心避你，你用咩方法都唔會成功」；亦有人指功能似足其他通訊程式，「Telegram晨早都有啦，而家先出遲唔遲啲」、「Wechat（微信）一早有，WhatsApp好落後」，認為功能未見新意。