【客機掠大佛】方丈今次無小器　寶蓮寺fb：賞大佛唔使用✈️

深圳航空客機，早前復飛時偏離航道，一度在天壇大佛上空掠過，民航處事後稱沒有危險。而險被客機撞上的天壇大佛，所在的大嶼山寶蓮禪寺，也在facebook專頁上發文「抽水」：「要欣賞莊嚴大佛，唔駛用飛機✈️既，走上260級樓梯就可以啦！！」

「寶蓮禪寺」facebook專頁意想不到的一著，令專頁頃時變得熱鬧，大量網民留言和分享，大讚「方丈份人好玩得」、「呢個方丈份人唔小氣（器）！」、「方丈與時並進等等」。

 雖然網民都樂於在該發貼上「食花生」，截至晚上10時圖片多達三千多個Like，但「寶蓮禪寺」facebook卻只有1,300多個Like，反映不少人看了該圖後沒有到專頁送Like給「方丈」。

估你唔到呀寶蓮寺！讚！

方丈唔小氣（器），靚抽人人愛。

除了寶蓮寺發文「抽水」外，《草日漫畫》亦在facebook上刊出漫畫，諷刺事件。