見工男CV稱英文、普通話流利　自我介紹口窒窒兼Hea住面試激嬲HR

見工要做準備是常識吧，但有位自稱任職HR部門的女網民，近日於網上大呻自己面試時遇上一位毫無誠意的應徵者，他用英文和普通話自我介紹時的表現非常一般，與履歷表中自評的外語能力不相符。之後他更坦言「其實我覺得你都唔會請我」，惹怒樓主鬧爆他不尊重面試。事件引起網民熱議，部份網民撐樓主沒做錯，但又有人認為見工者夠坦白。

下載「香港01」App ，即睇城中熱話：https://hk01.app.link/qIZYuEC5LO

有網民近日在facebook群組「巴打絲打Facebook Club」轉載一名女士的發文，她自稱任職HR部門，指近日有一名男士來見工，其履歷表稱擁有流利的英文和普通話，於是先叫他用英文自我介紹。不過樓主聽畢他的自我介紹後，覺得其英文能力很差，於是問他「你覺得自己英文水平點？」。當應徵者承認自己英文不太好之後，樓主就直斥「可惜你CV上唔坦白」。

其後樓主再詢問該男士的普通話水平，他答比英文好得多，於是樓主要求他再用普通話自我介紹，詎料他的普通話一樣差，樓主心想：「同我比仲差2個級別，簡直不知所謂！」之後樓主改用廣東話繼續面試，問男士：「點解我要請你呢？」豈料他竟說「其實我覺得你都唔會請我」，令樓主一時無言以對。

樓主瞬間感錯愕兼怒火中燒，回過神後就批評男士：「你真係好無禮貌，你依家係咪好唔想in落去先咁講？」，「你唔單止唔尊重你自己，更加唔尊重呢份工同埋唔尊重我！」她又狠評該男士連自我介紹都未有準備好，來到面試又毫無誠意，完全是不專業的表現。

網民的立場分歧，一邊指出樓主的確說出真話，「基本嘢都背唔好就唔好上嚟浪費時間」、「既然有得in，就做好啲功課啦！」、「人地真係袋錢落你袋，幫緊人教仔」。另一邊網民則指樓主在網上公開遭遇其實顯得小氣，「第一日做HR？個個份CV都亂寫㗎啦！」、「當求職者係乞兒咁」、「抬高自己踩見工嗰個人，對雙方同事情有咩幫助？」

不過亦有網民理性分析其實雙方都有錯的地方，時代已經不同，「你揀人，人揀你，大家咪當攞個經驗！」

（fb群組「巴打絲打Facebook Club」）