80後火車迷唔買樓 寧花逾20萬開模型場 妻：佢玩得開心就得喇！
「男人愛高達，女人唔明白」，網上不時流傳高達模型、四驅車、手辦公仔、漫畫等男人玩具被女朋友或老婆「逐出家門」的照片，狀甚悽慘。玩具與老婆，對部份男士來說就像魚與熊掌，兩者不可兼得。80後火車迷林道健（Raymond）租下工廈單位，出錢出力砌出鐵道模型情景場「鐵道交流所」，開場投資已花掉20多萬元，再加上每月還要倒貼數千元營運，有人批評他「有錢唔買樓走去玩模型」，但他的嗜好卻得到太太Kian的「默許」，羨煞不少男士。
鐵道模型場的工程超支延誤，老公為「另類老婆」而廢寢忘餐，「正印」Kian竟一直支持身邊人，在拜金的社會令人嘖嘖稱奇。Kian直言，最初已經覺得模型場潛力有限，不過看到老公開心已經足夠，「如果唔係蝕得好緊要，都希望佢繼續做一段時間先」，得妻如此，夫復何求？
下載「香港01」App ，即睇城中熱話：https://hk01.app.link/qIZYuEC5LO
林道健自幼稚園時期已是火車迷，一直希望有屬於自己的鐵道模型情景，她與大學同學Kian拍拖7年後結婚，轉眼已結婚4年。Kian表示拍拖初期只知道林道健喜歡日本文化，會看日劇和聽日文歌，數年後才知道他喜歡火車，而當時他只玩較便宜的Tomy玩具火車Plarail，「佢興趣嚟嘅，都OK嘅」。
林道健在4年前買入第一套N比例精細模型，價錢以千元計。由於N比例模型造工仔細，更連包裝盒都明顯特別，當時已經是老婆的Kian很快便「緝私」，「Tomy火車唔係好貴，屋企間雜物房有成堆都係佢嘅，後尾發現有一兩架唔同啲，係特別靚啲」。女人對模型的眼光，估算並不如珠寶或護膚品般準確，「嗰陣時知道係比較貴，但係唔知咩價錢，Tomy火車可能200、300左右，估佢500、600左右都可以接受」。
林道健一直只向Kian說新玩具「比較貴」，但沒有說出實數，直至模型場開始營運後，有客人「爆響口」，對錢比較着緊的Kian才知道N比例模型的價錢常以千元起跳，與Tomy火車差距極大。事件與騙徒手法十分相似，但林道健澄清自己從來沒有說謊，Kian也只能無奈笑：「佢係真係無講個價錢出嚟，係講貴啫。」
Kian笑說曾經想過想將林道健的Tomy火車一次過掃出家門，「實在太齖齰（讀音類似「訝渣」，廣東話俚語，即「阻碇」），樹又有一堆，淘寶訂咗好多Layout果啲屋仔，路軌呀，咩嘢都有，好恐怖」。現時林道健轉玩N比例模型，Tomy火車被打入冷宮，但Kian不打算除之而後快，「因為我驚佢買唔返」。
或許是感情，或許是默契，林道健也沒有想過Kian將他的珍藏放血，「可能被佢縱得太多，所以都未有呢個擔心」，問到為何未有一早向老婆坦白時，他笑說：「我自己都覺得貴，唔係幾好意思！」在Kian心目中，林道健仍然是一個小朋友，對身邊男人沒有拼命儲錢買樓，卻花錢開模型場，Kian仍然體諒，「我諗大家都生活喺呢個城市，都係為層樓又返工，都要有啲興趣，覺得佢玩呢個嗰時開心，都OK嘅」。
詎料模型場超支兼延期，支出由10萬變20多萬，工程時間由4個月變8個月，「好似永無止境咁」。Kian還要叫家人幫手做場景，例如以膠水、樹葉粉「種植」過千棵樹木。現時模型場月蝕6000至7000元，比預期多一倍，但Kian卻覺得有成就感，「啲客上到嚟話好靚，又玩得好開心，我都覺得有少少安慰到我嘅」。
明年8月租約便會到期，是否止蝕離場是一大關口位，不過Kian表示，即使未來要大幅加租，或會考慮搬到附近，讓模型場可以繼續做下去，「我諗佢都有個夢想，係想將呢個嘢呢搞到好似日本咁，小學生已經識玩，佢想將呢個文化帶開去，好似有個使命係度，所以而家係支持佢嘅」。
「要火車定係要我？」Kian說這個問題從來沒有存在過，因為「覺得應該揀我先」，林道健亦趁機坦白，「事實上，肉麻啲，我都係揀佢多過火車」。
使用較小型的鏡頭，或是在火車上安裝鏡頭，便可以透過其他視角感受鐵道場景的魅力，（按圖細看）↓↓↓
林道健在大約2年前構思要做鐵道模型場，Kian最初不覺得他會付諸實行，「所以都係敷衍下佢」。直至去年到日本旅行期間，林道健指着一個情景場，告訴Kian「想搞呢樣嘢」，Kian才明白林道健想做的到底是什麼一回事。
回港後，Kian一直都未有答應讓林道健開模型場，因為這玩意在香港太冷門，「市場真係好小，佢話整呢檔生意，其實我無諗過話支持，開頭係唔應承」。不過林道健鍥而不捨，不斷吹枕頭風，說模型場是自己的心願，雖然賺不了大錢，但亦蝕不了大多。Kian預算每月最多蝕2000至3000元，當興趣玩一下，少出一點街都接受得到，於是批出「不反對通知書」。