火車迷工廈開模型場 砌出超迫真鐵道場景：貼錢營運但有成功感
香港「土地問題」舉世聞名，港人除了為買樓上車苦惱，嗜好涉及儲物的人士，多年來苦苦搜購大量珍藏品，但遇上儲存空間不足，就被家人「強行放血」，將珍藏品掃出家門，真是「聞者傷心，聽者淚流」。對土地問題感受至深者，一定包括鐵道迷，因為要在家中鋪設路軌玩火車需較大空間，就算收藏品能保住，往往只能「斬件」收起，十分慘情。
鐵道迷林道健（Raymond）自小已經對火車情有獨鍾，因深明同道人之苦，決定在工廈開設火車模型場「鐵道交流所」，一圓兒時夢想，讓自己和其他鐵道迷的珍藏可以在迷你城市之中奔馳。林道健直言，這個迷你火車城市的工程如現實的鐵路工程一樣「超支、delay」，支出由預計10萬變成20多萬，建設時間則由3、4個月變成8個多月，而且入不敷支需每月倒貼逾6000元營運，「但望住係有成功感」。
下載「香港01」App ，即睇城中熱話：https://hk01.app.link/qIZYuEC5LO
32歲的林道健自幼稚園時期已經極之喜歡火車，內心對火車鐵道有難以言喻的愛，小時候連買Tomy火車都買不起，只能買最便宜的玩具火車，「最記得去親SOGO、利廣（模型店）、紅磡站、沙田好運，有N比例（火車）睇嘅地方都賴死唔走，大啲咪玩下《電車GO》」。
畢業後投身社會，林道健「入坑」玩Tomy的火車玩具Plarail，直至約4年前，才正式開始儲比較仔細的N比例模型。不過礙於土地問題，想讓藏品在路軌上奔馳，只能在家中將路軌「朝行晚拆」，一來是費時失事，二來亦難以做出仔細的場景，缺少高樓大廈、草地河流等，真實感欠奉。
去旅行去到盡，玩模型亦一樣，林道健參考了日本鐵道文化和歷史，決心要一手一腳砌出火車模型場，既讓自己過癮之餘，同時推廣鐵道文化。「香港可以話係最富有嘅城市，但係點解連一個Layout（場景）場都無呢？我覺得香港至少香港可以支持到一個Layout場畀大家嚟玩」。
為了圓夢，林道健自2017年初開始四出搜羅材料及合適的用品，並在荔枝角租下一個500呎工廈單位，由8月開始全身投入砌模型場。他最初估計投資約10萬元、約需3、4個月便可以完工開舖，而且一年內收支平衡。「算係商業嘅形式去做，但唔會預計利潤會好多，其實我個目標係維持交到租，同埋可能有份最低工資畀我咁樣囉！」
不過，理想和現實總會有落差，林道健感慨在工程期間遇上很多困難，「典型鐵路公司嘅問題喇，超支、delay」，最後超支一倍多，花了20多萬，「而家一大疊單，都唔敢計住，唔敢面對」，工程耗時8個月，而且每月要倒貼6000至7000元去營運模型場。
每條鐵道都要開山劈石築成，連砌模型場也如是，林道健坦言在做場景時常遇挫折，例如最初路軌設計有問題，導致火車經常出軌，過程中不時會想放棄。「每個月貼幾千蚊出嚟，仲要（做場景）做到12點幾先返屋企，第二朝返工，咁究竟為咩呢？每日維持住咁樣嘅生活，再遇到啲挫折感，已經會想放棄。不過都係短暫嘅，過咗一陣平伏返再繼續努力囉！」
「整呢啲咁大個場嚟玩，都叫做由細到大30年嘅夢想，見到個Layout嘅時候都會想見到值70分先至肯停手，而家都未到，呢度可能都係50分，暫時唔係蝕太多都可以走落去」。不過，模型場的前途問題迫在眉睫，因租約明年中便到期，林道健坦言「如果一路蝕到無止境，都唔可以一路咁捱落去」，如加租太多都要考慮是否繼續經營。
投資20萬元還要「月供」數千元，不少人可能選擇將錢儲起做首期，上車置業。不過林道健卻說，自己與買樓愈來愈遠，與其以有涯隨無涯，倒不如試一下其他東西，追尋夢想。林道健向家人提出做模型場的時候，家人都沒有太多意見，更認為他還年輕，一試無妨，連太太和家人都有力出力，幫忙修整場景中較簡單的部分。但林道健近年都因為營運模型場而遲回家，與家人見面的時間很少，「可能心入面（覺得）蝕咗好多錢喎，所以無再問佢哋（點諗）喇」。
如果可以再選，還會做模型場嗎？林道健直言：「可能唔會，又唔係話一定唔會嘅，可能七三比，七成係唔會，三成係會。」他指這個模型場的代價實在太大，除了錢之外，身體亦很累，「呢啲Layout諗落去幾時都覺得簡單，勞作仔諗落好似好易，點知做落係好耐」。
開模型場原本是希望自己「手痕」可以玩，不料開檔之後，自己玩的時間比客人更少，「但係望住係有成功感，覺得自己整咗個城市咁樣，最大成功感就係整咗呢舊嘢，就係我成功感來源」。看到火車可以在鐵道上走動，小時候的他只能隔着櫥窗觀看，如今卻能真正擁有，「如果唔係做呢間（舖），屋企無可能整呢樣嘢出嚟，咁耐嘅夢想實現咗少少」。