【阿叻傳聖火】陳百祥自言實至名歸：「網民不嬲唔鍾意我」
撰文：邱榕瀅
出版：更新：
巴西里約熱內盧奧運將於8月舉辦，無綫電視（TVB）因擁有香港獨家轉播權，派出藝人陳百祥「阿叻」擔任唯一代表本港的火炬手，激起網民反彈。陳百祥接受《香港01》電話訪問，直言「網民不嬲都唔係好鐘意我」。他說自己作為資深主持，多年來保持節目收視，「我覺得搵我（傳聖火）一啲問題都冇」，是實至名歸。
阿叻：因為我係資深嘅
無綫日前播出「阿叻」於巴西擔任火矩手片段，當時他以「體育記者」自居，對於外界質疑他不能代表體壇，又質為何TVB有權選派火矩手，陳百祥指「覺得佢哋（網民）唔知道呢件係咩事囉」，解釋「TVB因為我係資深嘅，我又做咗咁多屆奧運，咁多體育節目，世界盃呀，洲際盃呀，巴西都係我做嘅，所以我覺得搵我一啲問題都冇，我睇唔到個爭議係邊度喎」。
「TVB搵我一啲都唔奇怪啦，我係TVB不二之臣呀嘛，TVB出身，未炒過魷魚，未加過人工，又未減過人工，所以咪不二之臣囉！」
無綫電視昨表示，找陳百祥傳聖火是因為他具代表性。問及自覺有何「代表性」，陳百祥稱「我係收視從來最高嗰個囉，而家都係我保持㗎啦，綜藝節目、體育節目……我睇唔到（TVB）有邊個同我一樣㗎喎」。