Condom都要AA制？原因是「佢有份爽」　連登仔盤點遇過最鐸縮的人

節儉本是美德，不過做人太小家鐸縮，不但可能無朋友做，甚至被人「唱足一世」。有連登巴打近日以「你遇過最小家度縮（鐸縮）嘅人係點？」為題發文，吸引一眾網民留言分享，有人指朋友埋單後報大數、1.7元都要計足，甚至安全套都要AA制，鐸縮的程度令人聞所未聞。

下載「香港01」App ，即睇城中熱話：https://hk01.app.link/qIZYuEC5LO

樓主首先拋磚引玉分享個人經歷，他指兩個人去吃晩餐，一人一個餐大約120元，對方有一張八折優惠劵，所以經八折後為192元，先由對方結帳，樓主以為192元平分，一人96元，不料當他想拿錢出來的時候，對方反指如果沒有他的優惠劵，樓主「無得平」，所以樓主「平幾多應該分返一半畀佢」，換言之，正價120元的晚餐經八折後是96元，平了24元，要將當中一半、即是12元的差額給對方，因此樓主應支付108元，樓主形容「嬲到即刻掉低120元走人，幾年再冇聯絡過」。

帖文一出，引起其他人齊齊分享類似的經歷，有巴打指「平時一大班人食飯，除返開條數會有好多零頭」，其中一人話要找返1.7元，巴打形容「幾毫子都要，我畀夠兩蚊佢」。亦有巴打試過食糖水，「拎單個嗰朋友報大數，等我哋夾多啲，自己一蚊都唔使出，之後我地成班冇再同佢聯絡」，他強調不是錢的問題，「你話冇錢食，我請埋你都冇問題，係個做法好X『低莊』」。

鐸縮亦無關性別，有絲打分享有次上學快要遲到時，選擇乘的士，見到前方有3個同校不同級的女同學，她們3人互相認識，於是連同絲打4人夾份搭的士，車資約150元，如果平均除4，每人應付37.5元，但三人「想就咁除2，佢哋3個（畀）75元」，絲打則付另外一半，但根據她們的邏輯，她們每人只需付25元，足足平了12.5元，比原先少約33.3%，而絲打則要多付37.5元。

就算是男女朋友，涉及金錢都要計清楚，有絲打曾聽過同性友人抱怨指，她的男友「叫佢夾返dom（安全套）錢」，原因是「佢有份爽」，絲打直言聽後完全笑翻，但亦有人笑稱「佢有份爽係真喎，好合理喎」。

不少人都分享被「搵笨」的經歷，但有絲打則分享父親「孤寒自己闊佬人哋」，她指父親「對自己好慳，食剩條魚骨都要留下餐食，但對其他人就好疏爽，補習費、學費（及）零用錢唔會俾少我」，雖然對自己鐸縮，但決不會如斯對待其他人，令絲打不禁慨嘆「有時覺得佢做人做到好辛苦」。

（連登討論區）