升學顧問難做　怪獸家長奪命Call隨時到　英宿舍壞熱水爐都關佢事

家長送子女到外國升學理應想他們學會獨立，怪獸家長卻不然，未能陪伴在側的他們，一有事隨時搞着升學顧問。有投身海外升學顧問服務行業的網民指，不少怪獸家長怕子女在外委屈，事前狂問騎呢細節，洗衣機型號都要提前知道，就連大學宿舍熱水爐故障，子女不想打欖球，都要求香港顧問越洋出面，令人啼笑皆非。

下載「香港01」App ，即睇城中熱話：https://hk01.app.link/qIZYuEC5LO

有網民匿名在facebook專頁「西客之道 HIspitality Secret」發文，透露任海外升學顧問一年多，遇到很多「低能無腦的家長」，最令他疑惑的，是不少「長憂九十九」的爸媽們，面對子女即將留學入住宿舍，都不約而同非常關心一樣電器︰「唔知點解家長好鐘意問洗衣機」，指常被追問孩子宿舍的洗衣機型號，又或是否乾濕兩用，令他大惑不解。

他又指，部分怪獸家長更加直接，乾脆稱其子女不懂洗衫、摺衫、煮飯、打掃、換床單等各式家務，反問顧問「會唔會有人幫佢做？」，令樓主忍不住在內心怒斥：「如果咁緊張，就留係香港讀或者不如帶埋個工人去啦！」

就算孩子順利成行，怪獸家長的擔心也是無休止的，樓主呻他們「一樣大把野煩你，仔女喺學校有咩唔滿意，就要我哋出面同學校傾」，更舉例指曾遇有家長通知，指其子女英國宿舍的熱水燼故障，要求顧問盡快向學校反映，並叫學校修理好，以免其寶貝仔女無涼沖。樓主在帖文中反問難道要從香港派修理員越洋維修，質疑讀到大學已非小孩，「咁大個人自己搵地方沖涼啦！」

樓主又指曾被家長要求，代其已開學子女向學校反映「我個仔唔鐘意玩欖球」，更要他語帶威脅向校方表明如不接納就轉校，他在帖文坦言玩欖球雖會有點衝撞，但「玩一兩次唔使死嘅」，直指只是家長太緊張。

他表示明白子女出國讀書家長會擔心，惟難以理解明明在日常生活上諸多要求的怪獸家長們，對申辦文件的事卻不上心，「家長係永遠唔會睇電郵，明明一早已經寄晒文件，列晒有咩要交、要簽，次次都一定話收唔到，仲要係一口咬定，諗都無諗過就話無，一陣之後就會好神奇地話搵到，有啲就直接叫你寄多次」，令他大為氣結。

不少網民認同家長們平日再精明，一遇孩子的事就會智商下降，又感慨以往家長送子女到外國讀書是希望他們學會獨立，與現今情況完全不同，批評這種家長真係會累死仔女。

有人指曾有朋友為樓主行家，助港生到海外升學，也曾抱怨接到家長電話，要求顧問幫忙叫學校覆印兒子校內成績單，細問才揭發原來「個仔死都唔肯比個成績表比個家長睇」，令人哭笑不得。有網民認為樓主這一行很難做，因別人遇麻煩客人最多煩一會兒，他們卻會被纏數月至數年，甚至「有啲畢業後仲搵你」。