街坊齊搭的士被趕　司機怪論：非家人同車犯法　網民：要驗血先？

警方不時放蛇打擊「泥鯭的」，或令司機成為驚弓之鳥。有大埔街坊網上抱怨，指今早約同數名街坊結伴搭的士，怎料女司機竟稱「唔係屋企人，一齊坐車係犯法」，令她氣結。其實司機主動叫不認識者上車分擔車資，變「泥鯭的」確違法，但相反同車乘客無論是何關係，只要他們主動結伴搭車按錶付車資，就絕不犯法。

下載「香港01」App ，即睇城中熱話：https://hk01.app.link/qIZYuEC5LO

有女網民今早在社交網站facebook群組「大埔街坊泥鯭」，指「我哋幾個富亨屋邨居民一齊坐車去太和火車站」，沒料的士女司機竟指一眾乘客「唔係屋企人，一齊坐車係犯法」，該名女網民形容女司機「好串」，於是反指「總之我哋係識，你唔好講咁多」，未有交代最終女司機有否拒載。

該女網民亦在網上搜尋相關資料，力證的士司機應遵守「不揀客，不拒載」、「不以任何方式吸引乘客，以誘使其使用該車輛」及「未得到乘客的同意，不可讓其他人擅自上車」。

換言之，雖司機不得主動兜截不認識的乘客同行，但乘客不管是什麼關係，只要主動結伴搭車，並按錶支付車資，的士司機就不會因而墮入法網，被視為駕駛「泥鯭的」，以今次事件為例，乘客合法搭車，但司機如以為犯法而拒絕接載，反有機會觸犯「拒載」罪名。

事件引起多名網民熱烈討論，紛紛留言指「咁同朋友一齊搭的士咪隨時犯法」、「諗緊去唔去自首」、「你哋上車前滴血畀個司機睇吓先嘛」，有網民估計，司機如非嫌短途，就可能是「佢當自己揸緊泥鯭的」。

（fb群組「大埔街坊泥鯭」）