留學生廚藝大賽！巴打「放毒」po海鮮大餐照　網民技癢曬大作

留學生必學求生技能其中一項肯定是廚藝。日前有在美留學的網民在連登討論區，以「有冇留學生鍾意自己煮飯」為題發帖，拋磚引玉貼出自煮海鮮大餐照，火速惹來各大留學生廚神瘋狂大曬廚藝作品，神作包括椒鹽龍蝦、龍蝦伊麵、土匪雞翼、啤酒雞，甚至胡椒豬肚湯及八寶鴨，網民大讚「廚藝好得」，笑稱「係咪開餐廳」，不過也有一向「Hea煮」的留學生抱怨道：「X街深夜入咗嚟」，感嘆自己負擔不起餐餐吃肉。

下載「香港01」App ，即睇城中熱話：https://hk01.app.link/qIZYuEC5LO

有網民周日（21日）在連登討論區發帖稱，他稱目前在美留學，自煮了幾道菜式，希望與其他網民分享，並邀請他們「快啲入嚟貼下自己嘅作品」。據其照片所見，樓主菜式相當豐富，包括蒸魚、蝦、麵包蟹、梅菜扣肉與清炒通菜等，引來一眾其他留學生廚神技癢，紛紛貼圖展示自煮菜式。

當中不乏用電飯煲煮的便捷菜式，如冬菇栗子飯、豆腐湯羹、老火湯等，亦有焗爐菜式如蒜蓉蝸牛、焗牛扒、焗蠔、焗魚、焗意粉與薯角等，甚至有人煮出港式叉燒、蛋撻、珍珠奶茶，令人歎為觀止。其中，有網民分享煮飯心得，指自己雖然煮飯「唔叻」，不過「日本米放啱水就會好好食」；亦有網民自爆龍蝦是免費食材，稱「我有一次釣魚釣咗條龍蝦上嚟」，煮了一頓椒鹽龍蝦餐。

不過，帖子同時引來一向「Hea煮」、平日多吃「劣食」的留學生抱怨道，「X街深夜入咗嚟」，稱自己平日「肉都唔係餐餐食得起」、「得閒少少，買罐『老干媽』（辣椒醬）求其炒個肉已經好X惹味」，不理解為甚麼有留學生可以「留學買到咁多海鮮蒸」、「食到咁富貴」。

另有留學生解釋因為對廚房有「潔癖」，「頂唔順廚房太污糟，所以日日都『Hea』煮」，部分人更無奈表示自己住『Studio』（工作室）得個電爐仔（煮食）」，希望其他留學生可以分享食譜及煮食心得。

帖子同時勾起已畢業留學生的回憶，他們憶述稱，「（留學期間）煮得好有心機，而家放完工勁攰求其，揀一種肉一種蔬菜炒埋一碟算，最鍾意食焗三文魚」，認為留學期間，雖然少不免有伙食費緊絀的時候，但也是考驗自己獨立的時候，學會照顧自己。

（連登討論區）