【功課奴隸】7歲病童入醫院仲要趕功課　網民怒轟教育制度有病

教育局長楊潤雄也指香港教育制度「複雜」，因為懶送子女讀國際學校，其實不少家長認為教育制度問題不在太複雜，而是根本有病。有家長稱子女日前入院，驚見對面病床的7歲童留醫時「都要做一大疊功課」，狠批其父母，沒料網民卻紛護航，稱「住院期間唔做，出院要做返」，直指有問題的是教育制度，有人大爆學校一星期約40份功課，請病假也被要求領走家課病住做。

下載「香港01」App ，即睇城中熱話：https://hk01.app.link/l7U1Y7t5LO

有媽媽網民今日在facebook群組「不願小朋友成為功課奴隸」發出帖文指，其子今年在幼稚園讀K1，周六因發高燒入院留醫，沒料竟見到令人心酸的一幕：「見到對面床7歲小朋友病都要做一大疊功課」，慨嘆「真係好難明佢父母諗乜」。

帖文未有交代病童就讀小學多少年級及功課數量，但7歲小朋友一般就讀小二，這個病童的情況，隨即引起起一眾家長網民共鳴，有人直指錯不在其父母，因為「住院期間唔做，出院要做返，時間咪仲緊迫，都唔怪得嗰家長」、「其實未必怪得嗰家長，可能佢都好心疼加無奈」，亦有過來人分享類似經歷，小朋友病好後被老師要求補做，「企硬幫嗰小朋友」，校方都沒有繼續強逼。

有網民留言大爆子女的學校一星期大約有40份功課，壓力沉重，有媽媽稱兒子「發緊燒，學校一樣打嚟叫我拎功課返去做，啱啱收線，就見呢個post，精神返啲就要開工做功課…唉」，亦有家長指「向學校請病假時，會問你拎唔拎當天功課返去做。拎唔拎功課都好，病假後都一定要補做返晒病假未做的功課。」

有網民直指是教育制度出現問題所致，「唔關嗰家長事嘅，係嗰教育制度出問題，一層壓一層，啲小朋友就係最淒涼嗰層，所以嗰啲政府高官嘅仔女，一定要係香港接受吓呢啲教育」、「好唔健康嘅教育制度唔病都做到病，支持教育局人員仔女唔可以讀私校或國際學校」。

更有人慨嘆就算不讀名校一樣受害，而家長和孩子卻只能被逼接受無從選擇，「首先而家唔係名校都係咁，二三線為上位可能仲谷，有啲又話『轉校啦』，但個個家庭唔同，可能經濟上、家庭環境上未必可以話轉就轉，真係家家有本難念的經」，更有人指「喺現今香港…大部份小朋友可以死…但係唔可以唔做功課…」。

（fb群組「不願小朋友成為功課奴隸」）