【沒有醜女人】港女呻做靚女好貴　網民：女神係物質堆砌出嚟

有說「女人錢最易賺」，女人常被標籤「貪靚」，為改善外形不惜功本。有女網民近日在討論區列出日常保養打扮支出，大呻做女人要美麗不止要金錢，更要付出許多時間與心機。網民齊表認同，直指「男人成日話女人物質，佢哋成日睇嗰啲女神就係呢啲物質堆砌出嚟，你以為呢個世界真係咁多天生麗質呀？」

下載「香港01」App ，即睇城中熱話：https://hk01.app.link/l7U1Y7t5LO

該名女網民於連登討論區以「做一個見得下人或靚嘅女仔真係好貴」為題發文，指大眾一向認為「一個順眼嘅女仔，甚至係靚女除咗普通護膚，化下妝，着下靚衫就得」，反問網民「其實係咪真係咁？」

樓主分了8大類別分析自己保養打扮方面的支出，如皮膚、身體、頭髮、衣著、化妝品、身外物、香味和手。樓主認為，在身體皮膚方面十分重要，如「一白遮三醜」需要防曬，皮膚保持光滑則需要敷面膜facial，手亦要合適的潤手霜。

樓主又指出「髮型同髮質真係非常重要」，整頭髮焗油電髮的費用不在話下，化妝品和衣着更是一項大支出；她又指如計及修甲、植睫毛等等，總開支更為可觀。

樓主感嘆「女人錢真係易呃」，坦言女人為保持美麗有很多不得已的原因，而且更是有迫切性，「其實女人真係要keep，做咁多嘢除咗自己開心，咪就係（為了）取悅另一半，未拍拖咪為咗比仔溝，拍緊拖或結咗婚咪為咗對方唔好搵第二個。」

帖文引起網民熱議，有網民認同樓主所說，指女人都是需要錢去堆砌出來，「佢哋成日睇個啲女神就係呢啲物質堆砌出黎啦，你以為呢個世界真係咁多天生麗質呀？」、「只有傻仔先會以為靚女係天生。有較多溝女經驗嘅男人都明白，越係靚越索嘅女落妝前後對比越大。」

但有網民反駁，「所以如果天生皮膚好身材好髮質又正，咁就只係需要喺衣着上使多啲錢」；有男網民身同感受，稱「男人又何嘗唔係咁呢」。惟有網民則認為，雖然「女為悅己者容」，但女人的內涵亦很重要，稱人的外表乾淨順眼便可，心美人自然美。

（連登討論區）