單車友港鐵車廂公然換褲　隨行單車佔用通道　網民：唔畀老婆知？

不少人喜歡以單車代步，尢其在新界地區，有網民昨晚在網上貼出一段短片，顯示一名帶同單車的男子，於東鐵車廂內收拾物品及以座位遮掩公然換褲。網民看完片段直指「核突」，批評該男子「影響市容」，又將單車放於車廂中間「擋住條路」，毫無公德心。

下載「香港01」App ，即睇城中熱話：https://hk01.app.link/l7U1Y7t5LO

該網民昨晚於fb群組「巴打絲打Facebook Club」發文，稱「我係咪入錯車箱（廂），唔怪得周圍都無用，佢專屬換褲車箱（廂）」，並貼出一段短片。片段一開始，可見一名赤裸上身的男子正站於座位附近，雙手在背後整理衣物，其身旁近車廂中間的通道位置放有一輛單車。當時車上乘客不多，男子拿起疑似泳鏡物體，向樓主方做了一下「親吻」動作，然後放進掛於單車的袋中。

網民看完短片直指換褲男子「影響市容」，批評他的行為過分。

男子轉向單車時，可見其背面露出一半臀部，褲子幾乎掉下。當放好物品後，他隨即坐下，拿起放於座位旁的另一條褲，以座位遮掩更換，整個過程並無其他乘客經過。

網民看過帖文後，均批評男子行為過分，「影響市容咪呢d（啲）⋯架車擋着條路」，「核突單車友」，指即使趕時間亦可「去客戶服務處借廁所」，亦有人笑稱男子「有膽色」，指他「返屋企前要換好，唔可以畀老婆知道去左（咗）踩單車」。

（fb群組「巴打絲打Facebook Club」）