3長者港鐵車廂指罵蹺腳女「阻住人」　網民：唔讓座就搵嘢鬧人？

牽涉讓座的爭執時有發生，但原來小至蹺腳亦能掀起罵戰。最近網上流傳一段短片，拍到2名長者於港鐵車廂內指罵一名蹺腳坐的女子，斥責她將腳伸出會「阻到人」，其間一名長者從另一車廂走近，加入指罵女子；女子被罵期間未有將腳放低，只間中回罵幾句，片段未有透露事發詳情，亦不知事件最終如何「收尾」。網民看過片段後反應兩極，有人批評女子蹺腳坐是「無（冇）家教」，亦有網民稱片中車廂並不擠逼，3名長者小題大造，質疑他們「無（冇）得坐就批鬥人」。

下載「香港01」App ，即睇城中熱話：https://hk01.app.link/l7U1Y7t5LO

有網民昨日於fb群組「巴打絲打 Facebook Club」發文，稱「以後搭車要坐好D（啲）」，並上載兩段短片。片中開始便見到兩名男女長者站在在港鐵車廂中間，他們正大聲指罵一名蹺腳坐的女子，當時車廂不算擠逼，部分乘客需要站立。手持雨傘的女長者指向蹺腳女子直斥「一啲禮貌都無」，而身旁的男長者亦指「你自己後生唔讓位無（冇）人話你，但你隻腳唔好隊出去」，被罵女子則反問：「後生就一定要讓？」

這時一名身穿格子恤衫的男長者，從另一車廂走近兩名正在指罵女子的長者，上下打量女子後即「加入戰團」，開聲指責女子「後生女都咁嘅，隻腳放咁出做咩」，而身旁兩名長者亦未有停口，繼續指住坐着的女子大聲責罵，「個個人咁坐嘅，你睇下你」，「你梗係唔啱啦」，「香港啲後生女畀（俾）你影衰哂（晒）」；女子亦生氣地回罵：「你唔好手指指呀話你聽！」並試圖反駁對方，惟長者們未有理會，繼續大聲斥責「都唔知讀咩書，讀屎片啦」，「野蠻人嚟架（㗎）」，「根本唔知咩叫禮貌」。

片中可見雙方指罵時，其他乘客包括拍片者均無插嘴「幫口」，片段僅顯示身穿格子恤衫的男長者稱「一上網呢佢就知死架（㗎）喇」便完結，未有交代事發時間及行車方向，亦未知事件最終結果如何。

帖文引起網民熱論，有人認為蹺腳女子「無家教」，不應將腳伸出，容易踢到站立的乘客，「翹（蹺）腳坐伸到隻腳出晒黎（嚟）又係黑（乞）人憎」；但亦有網民稱片段中車廂仍有空位，認為長者是「借題發揮」，刻意挑剔女子，質疑他們「根本就特登揾野（嘢）黎（嚟）鬧後生」，「出去搭車見到人哋吾（唔）讓坐咪搵人出氣」，指「架車仲有咁多位，多人就放反（返）低隻腳架（㗎）啦」。

另外，有網民認為，近年出現不少牽涉座位的爭執是由於有長者「恃老賣老」，令年輕一輩「連坐低都有罪」，慨嘆「依（𠵱）家搭車慘過坐監」，「而（𠵱）家坐位好似有年齡限制咁」。

（fb群組「巴打絲打Facebook Club」）