連登仔斥家姐「港女最終型態」　狂數13宗罪　激發網民互呻

獨生子女或曾希望會有兄弟姐妹相伴，但有兄弟姊妹的卻未必相親相愛。有連登仔日前發文「狂數」家姐，形容對方是「港女最終型態」，直斥她不做家務、偏食、欠衛生及勞役父母等「13宗罪」。帖文吸引逾1600人讚好，引發不少有網民共鳴，力數兄弟姊妹的缺點，有人甚至指姐姐的床上有屍臭味，果真是家家有本難念的經。

下載「香港01」App ，即睇城中熱話：https://hk01.app.link/l7U1Y7t5LO

有連登男用戶周三（本月22日）前以「發覺家姐係港女最終型態」為題出帖，形容自己家姐是「懶X最終型態」，直斥她「家務零參與…當屋企係酒店咁」包括用膳後不會處理垃圾、「自己食完唔識洗碗，要人返嚟洗」及「堆到屋企亂XX晒唔XXX識執」，而且「想食嘢又唔想煮，買又唔肯落去買」，而且還「挑食，專食無營養垃圾食物，健康（食物）一定唔食」、「唔做運動…典型唔健康」、「個人又冇衛生常識…有咩自己既私事都要父母幫佢搞」。樓主更稱家姐有宗教信仰，但為人自私及虛偽，慨嘆父母在家姐「細個咩都唔使佢做」，過份縱容導致今天局面。

帖文吸引逾1600人讚好，引起多名網民共鳴，有留言指「睇完都不禁為你默哀1分鐘」，其中有男網民指「同我家姐有七成似」，稱對方早上9時許起床上班，但其鬧鐘凌晨約5時響聲大作，「自己唔醒 全屋比佢嘈醒…咁校嚟有咩意思」，而且「去廁所去個幾鐘，一日沖4至5次涼，正宗身有屎」，另男網民亦指「家姐張床勁臭，未行到埋去都有屍臭味即散開」。

有妹妹的巴打也不好過，留言指「個妹日X日都甩到啲頭髮一地係，跟住又唔X執或吸，朝早起身見到一地頭髮，啱啱吸完塵佢一出嚟，跟住又見到一地頭髮…忍唔住執哂地下啲頭髮掉曬入佢房」、「煮完嘢食唔X洗煲蓋，直接將個煲蓋放返入櫃，惹到好多曱甴」，而且「日X日問老母拎錢，平日無嘢求就當老母工人咁，有嘢求要問阿媽拎錢就賣哂口乖」。

有絲打則慨嘆「細佬好有問題…晨早7點幾就起身打機，嘈到我瞓唔到，我半夜放工返到屋企，佢都仲係打緊機」，每日都買垃圾食物當午餐，「食嘢食到周圍都係，搞到間房有曱甴（佢）又要驚」，該位絲打原本好驚曱甴，但都要被迫「驚住咁整死佢」。