整到成地都係餅　辯稱「小朋友手多啫」拒賠　店員一句KO怪獸家長

「佢細路仔唔識嘢」，雖則說大人有大量，但小朋友做錯事怎能不了了之？近日有零食店店員投稿至facebook專頁「西客之道」，大呻在工作期間遇到怪獸家長。她指一名小朋友在店內弄毀零食包裝，「跌到成地都係餅」，但父母只把「殘骸」掃到架下，被揭發後還要聲大夾惡稱「小朋友手多啫」，不願賠償。不少人看完帖文都批評「唔識教亦唔識身教」，「小朋友做咩都可以？」

下載「香港01」App ，即睇城中熱話：https://hk01.app.link/l7U1Y7t5LO

有在零食店工作的網民投稿至facebook專頁「西客之道 HIspitality」，指遇過一家人來買零食，小朋友對一條幾包的餅乾感到好奇，「見到啲吊住嘅餅就係咁扯」，怎料弄得地上全是餅乾碎。孩子的父母竟沒有主動提出賠償，反而將餅碎掃入食物架下，若無其事地到收銀台結帳。

樓主在收錢時要求他們照價賠償，那位爸爸竟然狡辯說「你邊到見到係我哋整爛，唔好乜都入我哋數」，但其後被揭穿後，身旁的媽媽卻改口「小朋友手多啫」、「你唔好咁計較囉」、「小朋友啫，你使唔使咁」。面對他們的橫蠻，樓主反駁，「小朋友又點先，一句小朋友唔通可以連舖拆埋？唔想畀錢就睇住小朋友唔該」。

父母竟然繼續撒賴，「你咁鍾意計，我𠵱家乜都唔要啦，唔使計啦滿意未？」不過卻被樓主一句反擊，「你呢袋零食可以唔要，但係條餅就一定要賠」，最後一家人唯有買下東西，拾回「屍骸」敗走。

帖文隨即在網上引起熱議，有網民大讚樓主做得好，「唔賠報警添啊」，又指最討厭人以「細路仔」來推卸責任，「而（𠵱）家好多父母以為小朋友整爛人哋啲嘢係應該，唔需要負責任」，批評這是「無身教」。

（fb專頁「西客之道 HIspitality」）