連登仔被索1萬家用　哥哥只需付4000　原因竟是「食嘢煩」！

踏入六月，不少大學生正式畢業投身社會，開始思考家用的問題。有連登討論區網民表示，近日與媽媽說起家用的問題，被媽媽要求於畢業後每月給1萬元家用，但他卻認為不少大學生畢業後每月收入都只有1.2至1.3萬元，無可能支付高達1萬元的家用，結果與媽媽鬧翻。他更提到哥哥只需要付4000元家用，暗指有「大細超」之嫌。
貼文引來不少網民熱烈討論，指一個月吃足30日放題，每餐250元，「都重有2500淨，樓主老母憑咩覺得自己廚藝值咁多」。不過亦有人批評，為人子女應該報答養育之恩，一萬元家用其實合理。

一名連登仔日前在連登討論區上發帖，指近日突然與媽媽提起未來支付家用的問題，當時媽媽說樓主大學畢業後要每個月給她1萬元家用，而哥哥則只需要給4000元。樓主聽罷後感到難以做到媽媽的要求，於是指「啱啱grad嘅大學生都係搵萬二、萬三蚊左右，點畀1萬蚊家用？」不料媽媽聽到樓主的言論之後，便「起哂鋼Ｘ我反骨，開始係咁Ｘ我唔想畀家用就以後唔好番去屋企食飯」。樓主指自己將於下年畢業，過去從沒說過不會或者不想給家用，問其他網民可以怎樣做。

樓主事後補充，他的哥哥已經工作一年，月入約1.5萬元，全家住在公屋，自己正就讀「工程就嚟乞食果類」的科目，另外中學起已經沒有問家人拿零用錢。被要求支付比哥哥高超過一倍的家用，是因為媽媽「話我食嘢煩，但佢又唔係煮餐餐大魚大肉界我食」，而且「基本上都無要求過佢要煮咩畀我食，佢就覺得我好麻煩」，當他問到媽媽收取高額家用有什麼用途時，「已經發脾氣起勢話我唔想畀（家用），開始鬧我」。

帖文引來網民熱烈回應，指樓主母親要求的家用太過份，認為樓主即使搬走，租屋自己生活也未必需要1萬元，而且「每日放題當250，30日都仲有2500淨，樓主老母憑咩覺得自己廚藝值咁多？」直斥樓主媽媽是吸血鬼，「畢業後事業基礎都無就1萬，第時升職加人工係咪要畀2萬？」

不過亦有人反駁樓主，指「係呢啲90後惡晒嘅地方真係好無奈」，說即使只有1.3萬收入，支付1萬元家用後仍然有兩千多元坐車買東西，雖然「唔係話多，想多啲咪努力工作升職跳槽加人工囉」，認為樓主「畀啲零用老豆老母用下飲下茶，當報答養育之恩呢啲加加埋埋都1萬啦，食米唔知米貴，到第時你生個仔出嚟你就知咩事喇」。

（連登討論區）