派錢無份？網絡作家張晨：努力係咪錯？　網民：我在十八層生存緊

「見到政府嘅政策，我有時都唔明，究竟努力係咪錯？」一張暗黑插圖，加一段心酸絕望的文字，引起這一代「十八層人士」的共鳴。
網絡作家張晨（"鳥"不起）在facebook專頁撰文慨嘆，社會有一類人是「被懲罰」的一群，指這批「十八層人士」沒有父蔭，「唔小心努力咗就會唔上唔落」，預算案派糖抑或政府扶貧通通與他們無關，作者忍不住問「究竟努力係咪錯？」結果帖文一夜間成為網絡熱話，短短2天已有逾5000人讚好、近2000人分享，有網民嘆「每句都入心入肺」。

張晨以《有時都唔明，究竟努力係咪錯？》為題撰文，指政府似乎很喜歡懲罰一類人，就是無父幹，「中產未到，小康未望到」，但在努力工作下，終於「唔太窮」，但往往努力過後卻是陷阱。

他列出這班稱為「十八層人士」的特點，因入息超過上限，「公屋冇份，居屋都唔使諗」，即使上限未過可申請居屋，但同樣不會抽中。要成家立室就只剩下「私樓」選擇，有幸儲夠「N」年錢後亦僅僅買到400萬的單位，「分分鐘200呎都冇」，然後開始「供一世」的遊戲，但更多「十八層人士」的買樓預算，僅只有「村屋」或「車位」。

網民心酸留言合集：

「每次派糖，你唔使諗。助貧？唔使諗；有錢佬利益輸送？你有排都未到。」文章指出，「十八層人士」唯一關事的政策可能就只有交稅，不禁讓人思考「點解我咁努力，但同啲冇咩出力嘅人，好似差唔多嘅。」但更絕望的是，你的生活分分鐘比沒有努力的人更差，他引述朋友表示「抽到公屋，餐搵餐洗，之後咬綜援，舒服過你做到隻狗咁啦…」「十八層人士」在政府眼中，就如公司一班最實務，但又唔會辭職的人，永遠被老闆榨乾利用。

作者慨嘆，「你想有啲人幫你，你想政府可以睇到你掙扎，出少少手扶你」，但最後所有好處都「冇你份」，最多只是「拍下你膊頭當幫咗」。結果衝上中產或小康階層，變成「十八層人士」必經之路，但卻是太無助、太長和太遠，「你點追都好……都贏唔到樓下茶記加價嘅幅度」。

這篇千字文敲動了不少「十八層人士」的心靈，網民紛紛留言講述感受，有的指「點解我努力工作，用勞力時間精神換返黎嘅，比攤大手板就咁伸手問政府拎嘅更小」；亦有專業人士表示，「十八層我就係喺嗰度生存緊，想搵個容身之所，原來遙不可及」；有網民則自嘲，香港人是「全球最挨（捱）得第一名」。

財政司長陳茂波今日（23日）公布預算案「拾遺補漏」措施，申請者需要在2018年12月31日前年滿18歲、沒在港擁有物業、沒領取綜援、長生津、高齡津貼或傷殘津貼，及會作出聲明在2017/18年度無繳交薪俸稅的低收入或無收入人士，一筆過獲發放4000元現金津貼；上述有交薪俸稅人士，若退稅金額少於4000元，出示稅單後亦可申請現金津貼差額。