旺角新年夜市不再!初二食環駐路邊 街坊:凌晨3:45分仲有咩小販

撰文:李納德
出版:更新:
過往農曆新年期間出現不少「走鬼檔」組成的「夜市」,但近年幾乎絕跡。有網民今晨發文,指凌晨3點半左右往便利店買宵夜,驚見旺角山東街燈位竟有5名身穿黑衣的食環署人員,質疑有何必要凌晨4時仍要出動捉小販,街上只有1、2個途人,「就算真係有小販攞檔,咁需唔需要要用一班人去拉人呢?」。
其他地區群組亦有街坊發帖,指區內走鬼檔及地攤被大掃場,慨嘆令街頭毫無新年氣氛,「冇氣氛冇夜市係佢哋搞成」、「噚日仲有人好天真話一向初一至初三無人理」。

凌晨買宵夜驚見5名食環人員
樓主在facebook群組「青衣街坊吹水會」發帖,指年初二(1月30日)凌晨3時35分落樓到便利店買宵夜,街上得1、2個途人,「但係居然係一個角落位置見到有4、5個黑衫黑褲幾個人企埋一齊」,行近發現是食環署職員。
她質疑「真心想知大年初二零晨3:45分仲有咩小販呢?」,而且就算有小販也不會在該位置開檔,不知新年實際動用多少食環人員打擊路邊小販,「零晨3:45就算真係有小販攞檔,咁需唔需要要用一班人去拉人呢?」。照見所見,旺角山東街一處燈位有5名黑色服裝,相信為食環職員。
地區群組嘆走鬼檔被掃光
另外,其他地區群組亦有街坊發帖指地區「走鬼檔」被掃場,許多攤檔收檔走人,有屯門街坊發帖無奈,「年初二市政一早掃場。擺咗10幾年。立即成條街冇曬新年氣氛!冇臭豆腐,冇玩具,乜都冇!」。
網民嘆無新年氣氛:唔俾你哋擺檔
許多網民慨嘆今年街上毫無新年氣氛,「唔俾你哋擺檔,吹呀」、「噚日仲有人好天真話一向初一至初三無人理」、「一定有人投訴先會掃」、「冇氣氛冇夜市係佢哋搞成」。也有留言為食環人員抱不平,認為只是按指示辨事,「你估班友初一零晨3點幾天寒地凍唔想返屋企瞓咩,係上面落哂order冇得揀咋」。
快餐店現多箱廣州預製「急凍盆菜」 網民嘆非香港製造:懶唔懶啲新年紅裙大媽北角街頭露腿逗利市 網民認出借錢黨:專搵阿叔阿伯數利是錢影片瘋傳!保安員新年多收穫 利是多到咁 數錢數到手軟初二僅記「7大禁忌」勿誤犯 回娘家拜年早去早回 忌穿2種顏色衫