初一開年?港男轟青衣餐廳員工食開年飯未準時開門 網民狂鬧西客

新年流流請對仍要開工的人多一分體諒!有港男大年初一(1月29日)嬲爆發帖,指今早到青衣長亨邨的百分百餐廳打算光顧,但「入面全部員工開飯中不給客人入來」,而門口寫着大年初一早上11時營業,他但準時到達卻仍未開門,揚言「下次唔再幫襯」。而照片見到,餐廳員工正圍在一起吃開年飯。
帖文1小時內吸引逾350個留言,許多網民批評樓主是西客,「CXs人哋員工開年飯都唔畀」、「新一年咁快就有西客po」、「初三未到就想人同你開年」。樓主則反擊指,店舖如未能準時開店,不應「貼住開11點」,會令客人食早餐失預算,惟帖文其後被刪除。

大年初一員工開飯未有準時開門
樓主在facebook群組「香港茶餐廳及美食關注組」發文,指今天大年初一(1月29日),他到青衣長亨邨的百分百餐廳用餐,卻發現上午11點未開門,「入面全部員工開飯中不給客人入來,當時我們11點到準備入去點知門口鎖咗入唔到,下次唔再幫襯」。
樓主上傳2張照片,第一張為餐廳新春營業時間,顯示年初一開早上11時,意指店員未有準時開門1營業;第二張拍到餐廳職員正圍在一起,有員工則正在用膳。
網民鬧西客:睇嚟你想提早畀人開年
帖文短短1小時內勁吸逾350個回應,大部份批評樓主為「西客」,認為店員們應該是吃開年飯而略遲開店,揶揄「CXs人哋員工開年飯都唔畀」、「睇嚟你想提早畀人開年」、「剛剛想xyz樓主,不過畀面佢今日年初一」、「初一就想俾人開拖」、「遲少少開門服務你條X客,係咪會餓X親?」、「人哋都要食飯架,咁都要影相批鬥人」、「新一年咁快就有西客po」、「初三未到就想人同你開年」、「唔知以為你畀幾千銀生意人哋」。
長亨街坊笑言落去撐場
更有居民留言指「我住長亨,你唔好走,我而家落去幫你撐場」,惟他上傳照片指到場時樓主已離去。部份網民心平氣和建議多一點體諒,「放鬆啲啦,人哋啲員工開年飯」、「年初一唔好辣火頭啦」、「新年流流唔好咁燥底,你就當人哋食飯食遲咗囉,有咩咁大件事呢」、「打工仔放飯13:00-14:00,唔通全部都準時開工咩」。
港男反擊:貼住開11點
樓主反擊,認為門口標明了上午11時營業,「咁不好貼住開11點啦,人哋不用預時間入去食早餐?」。也有網民支持樓主,「咁唔好寫開11:00,開23:00啦,加一就識收,服務就零呀?覺得人客有問題嗰啲,唔該落去企返一頭半個鐘等吓啦笨」、「咁寫明開11:00你都要開門畀人入㗎」。
(fb群組「香港茶餐廳及美食關注組」)