大家樂蛋包飯賣相惹議!食客不滿稱「無下次」 網民反嘲:唔識嘢

「蛋包飯」的賣相竟究該如何?近日有網民於飲食群組發文,表示於連鎖快餐店大家樂點叫1份外賣蛋包飯,不過開盒後看見呈欖形的蛋置於牛肉上方,未有出現流心效果,因而怒斥「呢個係炒蛋飯,無下次」。翻查大家樂相關產品的宣傳照,清楚列明食客需自行切開嫩蛋,才會有流心效果,而樓主上載的照片未有切開嫩蛋,沒有流心效果亦屬正常。
帖文瞬間掀起網民關注,不少人都取笑樓主「唔識嘢」,「究竟你知唔知乜嘢叫做蛋包飯呢?」、「你唔用刀𠝹開佢,緊係唔包」、「你可以X佢難食,但係日本都有呢種整法」;惟有留言指該蛋包飯賣相的確較為遜色,「只可以話呢份餐個蛋煎得太熟」、「我反而想知中間𠝹開,裏面會唔會係全熟」。

大家樂蛋包飯賣相被公審 食客不滿:無下次
該食客在facebook群組「香港茶餐廳及美食關注組」發帖並附上照片,質疑「究竟大家樂知唔知咩叫蛋包飯呢?」,又揚言「呢個係炒蛋飯,無下次」。從相片可見,樓主當於連鎖快餐店大家樂購買了外賣蛋包飯套餐,當他打開外賣盒後,看見呈欖形是蛋置於牛肉上方,最底層則為白飯,表面則再加以數粒蔥花作為點綴。
宣傳照:切開嫩蛋才有流心效果
根據大家樂相關產品的宣傳照片顯示,相信樓主是點叫名為「燒汁牛面肉蛋包飯」,而宣傳照亦有清楚明,嫩蛋並未包裹白飯,食客需自行切開嫩蛋,才會有流心效果。不過樓主上載的照片明顯未有切開嫩蛋,沒有流心效果與宣傳照一致。
網民揶揄樓主「唔識嘢」:笑到反艇
帖文一出隨即掀起網民熱議,不少人都嘲笑樓主「唔識嘢」,「笑到反艇」、「咁都投訴?」、「日式係喺蛋上面𠝹一刀, 蛋就會散開包住個飯」、「你唔用刀𠝹開佢,梗係唔包」、「條友真係唔識架喎」、「究竟你知唔知乜嘢叫做蛋包飯呢?」、「人哋特登留返俾你切,有得食有得玩,自己唔識仲要話人」、「你可以X佢難食,但係日本都有呢種整法」、「$46仲要幫你入盒,你想人哋幫你𠝹咗隻蛋?咁你返到去又話變咗炒飯,46蚊我覺得個蛋整得唔錯喎?你想有咩要求先?」;更有網民為大家樂平反,稱「食過幾次,切開都係流心」。
不過,有人亦覺得相中的蛋包飯賣相的確較為遜色,「只可以話呢份餐個蛋煎得太熟」、「似係蒸水蛋飯多啲喎」、「隻蛋嘅顏色咁淺色,睇到都唔想食」、「假到咁隻蛋」、「望落好平滑」、「我以為芒果糯米飯」、「我反而想知中間𠝹開,裏面會唔會係全熟」。
相中蛋包飯為近年餐廳常見款式
其實市面上日式蛋包飯的形態分別有數款,而根據樓主光顧的連鎖餐廳示意圖顯示,應為底下擺放米飯,欖形嫩蛋在上,食用時再用刀將蛋切開,嫩蛋的汁液再從兩旁流瀉,把炒飯覆蓋一款,則是近年較為常見的餐廳款式。
(facebook「香港茶餐廳及美食關注組」)