凍檸奶茶？連鎖店奶茶驚見新鮮檸檬　食客急反映　侍應反應成亮點

凍奶茶不應加入檸檬是常識吧？不過有女網民日前在飲食群組發文，指到某連鎖餐廳點叫凍奶茶，飲用大半杯後才發現杯裏藏有檸檬，遂向侍應低調反映，未料對方竟向廚房大喊，「杯凍奶茶有檸檬呀，沖返杯俾客」，而她無奈表示「好驚一陣肚屙」帖文引來網民熱議，有人戲稱樓主點叫的是鴛鴦，是「凍檸奶茶」，又形容「着數咗」；但不少人質疑餐廳未有清洗乾淨上手客人飲用的杯，「可能上一手飲檸檬茶，杯無洗無倒殘渣，便加凍奶茶上枱」，但亦有人推測是水吧員工錯誤使用了已放檸檬的檸茶杯所致。

該女網民在facebook群組「香港茶餐廳及美食關注組」上傳照片，表示光顧某連鎖餐廳點叫凍奶茶，喝了大半後，發現杯裏出現檸檬，故低調向侍應阿姐反映，詎料對方竟從樓面向廚房水吧大喊，「杯凍奶茶有檸檬呀，沖返杯俾客」，令她震驚不已。照片所見，見到凍奶茶近杯底離奇地出現1片檸檬，驟眼看檸檬未有被「篤爛」，但樓主擔憂「好驚一陣肚屙」，自嘲「清腸胃必選」。她指，後來侍應阿姐送上新沖凍奶茶，都只敢飲用一半。

不少網民調侃樓主「有賺」，「鴛鴦」、「凍檸奶無加錢？」、「着數咗」、「凍檸奶茶」，但就質疑為何會飲用大半才發現，「飲落無唔同味咩？」。樓主回覆指，「因係奶茶無篤，無為意」。有留言更笑稱侍應阿姐或和水吧有仇，「其實人哋想低調處理，估唔到阿姐高調幫佢處理」、「阿姐：『上手剩咗塊檸檬呀！下次唔洗都倒乾淨啲啦！』」。

有人則覺得可能是水吧員工手誤，「佢哋會唔會擺定晒啲檸檬，入杯準備整檸檬茶？夥計攞錯咗隻杯？」，不過大部份人就斷定是二手檸檬，「可能上一手飲檸檬茶，杯無洗無倒殘渣，便加凍奶茶上枱」、「好大可能係上手飲完就咁𠺘吓隻杯」。有網民分享其他飲食奇事，「檸檬啫好少事！我見過有人飲到底先發現有隻個身穿咗窿嘅大強（曱甴）」、「我試過飲熱奶茶飲到底先見到，仲要嚿檸檬係篤過嘅」。

（FB「香港茶餐廳及美食關注組」）