公屋｜排8年首派湖景邨　小紅書女不喜歡井字形　仲有1原因想放棄

不少人笑言獲派心儀公屋和中六合彩無異，只能可遇不可求。1名女子在小紅書表示，足足等候8年，最近首派屯門湖景邨湖碧樓頂層單位，井字形設計「感覺有啲怕怕」，而且升降機不會直達頂層，出入變得不方便，不知應否接受。網民紛紛留言「應該都好住，樓下日常所需舖頭都有，幼稚園中小學又多，𠵱家仲搞緊個屯門南延綫工程，交通方便，唯一唔好就係舊咗啲」、「我朋友住這座，他說好好住」。

樓主在小紅書表示，自己一家三口家庭本身輪候擴展市區公屋，等足8年，之後改排新界公屋，日前首派屯門湖景邨湖碧樓單位，視察過環境，附近配套設施都齊全，但由於屬於井字形公屋，設計上令她感到不舒服，加上是頂層單位，升降機不會直達，所以出入要上落1層，「考慮緊要唔要……怕二派仲差」。

網民紛紛留言「恭喜晒」、「加油」、「住緊附近，都算方便，除咗井字其他都好，仲有露台」、「湖景邨好好住，我住了30幾年，近巴士總站、輕鐵總站」、「無𨋢的確唔方便」。

（小紅書）