80後城巴靚女車長剛出更　飲食業轉行揸巴士　蝦碌幸市民無鬧

平時搭巴士市民可能未必會留意車長，但近期不少市民都發現城巴有位年輕靚女車長。城巴車長劉家穎「新車落地」6日已經備受關注，她接受《香港01》訪問時表示，自己從飲食業轉行，在考到巴士牌後就嘗試投考車長，近幾日收到不少市民鼓勵，會繼續努力做好車長的工作。

現時搭巴士不難見到女車長，但要遇到年輕的女車長卻十分難；80後的劉家穎似是時下的年輕女孩，背着小背包、手執一支飲品，小碎步的到站長室報到，講到要做訪問時，她緊張的梳一梳前額劉海，始娓娓道出加入城巴的故事：「我喺飲食業工作咗10年後，想換一換環境，所以喺考到車牌3年後再考巴士牌，於是就決定到城巴應徵做女車長，之後又好好彩咁獲聘。」

「其實我本身係一個叫四個轆嘅車會幹事，好鍾意揸車，但就無話特別鍾意巴士㗎，但就係考到個牌想試吓做車長，依家做咗6日都覺得幾好，啲師兄都對我好好，有時可能趕唔切埋站都會主動幫我。」劉家穎笑言。

師傅教用女性技巧駕駛

記者及後亦有乘坐她駕駛的789線，途中不乏彎位，但車途都十分平穩、不會急停，在上落客的時候不會有顛簸的感覺。家穎稱全靠師傅教得好：「我師傅教得我好好，用一個女車長揸車嘅方法嚟教，教我捽軚咁，所以我自己都唔會太辛苦，暫時揸都無咩大問題。」

駕駛沒有難度，又有什麼考到家穎呢？「依家返夜更都無問題嘅，但收工嗰時自己揸返站，有次聽到有貓同老鼠叫，真係好驚仲搵師兄同我上車睇，原來先發現係個電視（buzplay)出聲。」她又提到一次「蝦碌」經過：「有次我好緊張，顧住開門唔記得撳落車門個掣，好彩乘客都好好提我無鬧我。」

市民熱情對待　家穎：好開心

雖然家穎只展開車長生涯的第6日，但引來了一眾網民關注，記者在巴士站現場觀察所見，有男車長特地放工過來一睹其風采，更稱「佢好出名㗎、靚女嘛」，同時亦有數名巴士迷特地坐家穎車，更有乘客拿出手機拍照留念。

面對市民的熱愛，家穎自言好開心：「其實我喺車廠學緊車嗰時，已經有啲人特登過嚟睇，呢幾日都有啲乘客會同我打氣，我都好開心無諗過大家咁熱情，我會繼續加油。」說畢後，家穎又急忙的跳上巴士準備開展下一趟車程。

城巴新巴發言人表示，基於私隱理由，不便透露家穎的資料，指城巴新巴現時聘有3700多名全職車長，當中女性車長佔2%，即約74人。