【巴士無品乘客】好心車長教搭車　港女反鬧：收聲啦

「落力為你好，得不到分數」，不只形容男女間感情，有時更加是「好心冇好報」的巴士司機寫照。
網上一段短片，有名港女乘客上錯車，搭錯方向，巴士司機不僅好心停車讓她落車轉乘其他路線，其間指導她正確路線，豈料反遭對方大喝「收聲啦，邊個要你教啫」，一臉無奈。

片段前日（13日）由facebook專頁「柏斯敦巴士台」上載，事發在一輛由沙田美林邨開往黃泥頭的82K巴士，一名女乘客上車後懷疑搭錯車，並表明想去沙田火車站，司機隨即指「我頭先停的時候，都覺得奇怪點解上車㗎啦」，更指正「82K都唔去沙田嘅，你嗰架83K嘛」。

司機專誠停靠巴士站讓乘客落車　乘客：你開車啦

其間，司機更專誠停靠在一個沒有上落客的巴士站，並好心提醒「83K過對面搭返返去啦」，怎料該女乘客卻顯得不奈煩「得啦，你開車啦」。司機仍保持良好態度，不厭其煩地向對方表示應該坐83K，提醒巴士下個站已到尾站「我上去，你又搭返落嚟㗎咋」。不過女乘客卻不落車，仍然查問巴士路線問題。

司機：「所以我頭先開門畀你，諗住你去對面搭咋」

女乘客：「點解會上返嚟呢度㗎，我真係唔明」

司機：「咁唔關我事㗎，條線係咁㗎嘛，你頭先想坐80K嘛」

女乘客：「收聲啦」

司機：「教你又叫人收聲」

女乘客：「乜嘢呀而家想點呀，叫你收聲又唔收聲」

女乘客：「而家邊個要你教啫」

女乘客去到最後還要喝罵司機，片段在網上瘋傳，大批網民讚揚巴士司機的良好態度，又狠批該名女乘客蠻不講理。以下是部份網民的留言：

巴士佬比個LIKE你
個司機真係要讚下～唔好比一個半個賤人激親
自己搭錯車就鬧人，不知所謂
條女真係好X，我諗唔到其他形容詞

同行司機稱讚：處理非常正確及有禮貌

由幾名熱愛巴士的公共運輸從業員成立的facebook專頁「柏斯敦巴士台」接受《香港01》訪問時表示，車長處理非常正確及有禮貌，並在前一個車站提示乘客轉車，實在值得嘉許。其實巴士車頭，車內路線牌，行程資料紙已清楚列明，所以在一般情況下，除非乘客提問，否則車長不會主動向乘客解釋巴士行駛路線及目的地。

「柏斯敦」續指，為免資訊錯誤而被投訴，加上並非每個車長都熟悉所有路線，一般車長都不會額外向乘客提供轉乘路線資訊。根據相關指引，司機如遇乘客情緒激動，而車長未能處理，或危及車長或乘客安全，就應在安全情況下停車並通知公司電台，派員處理。