澳門美食丨文記咖啡必點花生醬豬扒菠蘿包 仲有獲奬蕃茄蛋通心粉
撰文：食在澳門
出版：更新：
呢期為食妹又嚟到澳門高士德大馬路附近搵食，嚟到文記咖啡，試一個據聞係無人可以拒絕嘅神仙搭配———「花生醬豬扒菠蘿包」。
花生醬豬扒菠蘿包：花生醬+豬扒+菠蘿包=神仙美味組合
好似為食妹咁樣嘅「花生醬腦袋」，真係對花生醬豬扒菠蘿包毫無抵抗力。
+1
國際慣例，菠蘿包必須趁熱食，菠蘿包香脆酥軟，豬扒係大大舊嘅T骨豬扒，煎得啱啱好唔會太油膩，加上花生醬簡直就係錦上添花，夠曬香濃。
呢隻鎮店招牌，幾乎係每檯必點，26蚊一隻，大件夾抵食！
推薦指數：五粒星⭐️⭐️⭐️⭐️⭐️
蕃茄蛋通心粉
除咗花生醬豬扒菠蘿包之外，呢度嘅蕃茄蛋通心粉都勁出名，仲攞過金蓮花菜式獎。齋係佢個嘅賣相都夠煞食，睇住都想流口水，超級有食慾。
蛋炒得非常嫩滑，通粉本身應該係黑底，有淡淡鹹香嘅豉油味，濃稠嘅芡汁包裹住每一粒通心粉，酸酸甜甜，食落好開胃，鍾意食蕃茄嘅老友一定要試下！
推薦指數：都係五粒星⭐️⭐️⭐️⭐️⭐️
+3
懷舊紅豆冰
紅豆冰嘅出品不過不失，奶味幾香，紅豆微微硬，但係唔會太甜，呢點為食妹非常滿意～
推薦指數：三粒星⭐️⭐️⭐️
除咗上邊呢三個比較多人推薦嘅菜品，其實「文記」仲有勁多菜式，碟頭飯、炒餸、煲仔飯等等試都試唔完嘅美食！價格公道實惠，選擇又多，周邊嘅街坊當正呢度係飯堂，為食妹表示一定有下次！
文記咖啡
總店：澳門庇山耶街28號
爐石塘店：澳門連勝馬路82A號金蓮大廈地下A座
澳門美食丨老牌茶記新鴻發美食 人均$30+識食要試乾炒牛肉通心粉澳門美食手信｜傳承三代的純手工傳統糕點 砵仔糕白糖糕芝麻糕澳門手信丨三盞燈晶記餅家53年老字號本地人日日食 純手工CP值高澳門美食｜隱世小店「兄弟行」6大必吃推薦 純手打墨魚滑超彈牙澳門特色美食推介「貓山王榴槤葡撻」爆多肉20蚊超值丨大三巴附近澳門美食｜零差評「無骨雞翼包」 大三巴隱世茶檔位置考起本地人澳門美食經典「葡式辣魚包」只賣7.5蚊？42年小店第二代傳承美味澳門美食｜新榮記明火豆腐花、魚麵蠔仔米 5大推介值得試附地址澳門手信｜唔止杏仁餅！澳門人推介5大特色手信 嚐澳門舊日味道澳門美食｜「炭火現烤」雞蛋仔格仔餅 懷舊小食消失中咪走寶
【本文獲「食在澳門」授權轉載。】