港媽大尾篤租單車大呻中伏　店家反口多收$150：以後唔會再幫襯

最近有港人帶仔女假日到大尾篤（又稱大美督）郊遊，怎料在租單車時卻遇到不快經歷，批評單車店在收費上出爾反爾，反口多收$150，直指「一定唔會再幫襯佢！」

港媽大尾篤租單車大呻中伏　店家反口多收$150：以後唔會再幫襯

不少港人都會趁假期去郊遊、呼吸新鮮空氣，而大尾篤是不少人去踩單車好去處之一。不過最近有港人於Facebook群組「舊香港黑店大全 大踢爆 大大大Group」大呻不快經歷，指自己近日帶仔女到大尾篤遊玩，在租單車時卻不幸遇上「黑店」！

事主憶述自己在大尾篤一間單車店租借單車，事前向店家查問價錢，獲告知$150可租借一小時的新款家庭單車，她隨即追問「如果玩耐啲點計？」當時店家承諾只收$150租借費用，事主指店家稱「今日無乜人，150蚊得啦，遲少少無所謂嘅。」

事主於是租借了一輛家庭單車，後來還車時間比原定遲了大約10分鐘，但是店家卻沒有如承諾只收$150，反而要求她額外多付一小時的價錢，「佢唔認講過以上說話，只係拎住張單話每個鐘$150，根本就係『焗住搶』！」

事主強調因為獲店家承諾「遲少少無所謂」及會照收$150，才遲10分鐘歸還單車，不滿店家出爾反爾：「如果一早同我講遲咗要比畀一個鐘錢，我就唔會遲10分鐘，一係準時還車，一係玩多個鐘啦！」、又指「只畀多半個鐘又話唔得！」

事主的不快經歷引起不少網民熱烈討論，大部份網民都一面倒批評店家出爾反爾的行為：「150蚊個鐘，可以直頭租私家車啦！」「好唔老實。」、「咁做生意遲早聽執笠。」、「真係擺明呃錢……不過佢話150蚊租1個鐘你又肯比畀？」、「如果要畀多一個鐘錢，我會踩多陣囉！」

亦有網民分享在同一店舖遇上的類似經歷：「曾經試過差唔多情況，佢叫我哋7點還車，我哋6點幾去還，佢話我哋日租係去到6點。」又指「我哋仲要4、5架車，佢又係話每架車要加錢，又係話自己無講過7點還車，最後睬佢都傻，走人！」

事主續指，自己不是首次光顧這間單車店，之前曾在租借單車時目睹有類似紛爭發生，當時更驚動警方調停。再次租單車時貪方便便沒有格價，殊不知不快經歷會發生在自己身上。

她補充，當時自己十分不滿，與店家理論，但是因有子女在旁，唯有放棄爭執，「佢最後係唔認自己講過！當豪一次比佢囉。」有感氣憤難平，又指:「以後就算買一送一都唔會再幫襯！」

不過有網民則指事主的確遲了還車，即使不足一小時都理應付錢，有人指店家所指的「遲少少無所謂」中的「少少」可能只是指一至兩分鐘，又指事主有責任直接問清楚才租借：「建議租樓主下次直接問租一個鐘頭三個字幾錢，寫埋落張單。」