手撕雞外賣變「手撕骨」　網民呻中伏：第一次見有骨嘅手撕雞！

有市民分享食手撕雞中伏遭遇，指自己日前從連鎖手撕雞店購買了外賣手撕雞，打開外賣時，卻發現手撕雞「骨多過肉」，更可以「執骨」執出一整盒，無奈呻中伏！貼文引起網民熱烈討論，有網民直指第一次見手撕雞有骨，簡直是「手撕雞變手撕骨！」

手撕雞外賣變「手撕骨」　網民呻中伏：第一次見有骨嘅手撕雞！

近日有網民於Facebook群組「中伏飲食報料區」發文分享中伏遭遇，指某晚透過外賣平台Foodpanda，從一間連鎖手撕雞店購買了手撕雞加海蜇拼麻醬撈麵及半隻手撕雞，價錢分別$58及$85，在滿心期待下打開外賣盒，卻發現手撕雞竟然「骨多過肉」！

照片可見兩盒手撕雞大部份都是雞骨，雞大腿骨、雞胸骨全部有齊，而且雞骨比例遠超雞肉，只有小部份是雞肉，事主直言可以「執骨」執出一整盒雞骨！事主強調照片是在自己還未進食前拍攝，無奈表示中伏：「雖然都無諗住有要求，諗住求其食飽就算，但結果嚟左兩盒骨！」

事主的遭遇引起網民熱烈討論，不少網民同情事主，表示：「見到都無食慾啦。」、「骨多過肉！」、「$85買堆骨。」、「我見識少，第一次見手撕雞係有骨嘅！Google（搜尋）佢嘅食物相睇一睇，又唔覺有骨㗎喎。」又笑言：「手撕雞變手撕骨！」、「你係咪買錯手撕骨？」、「一雞兩食，仲可以煲湯煲粥！」、「啲骨夠還原返隻雞！」

亦有網民表示有關手撕雞店的手撕雞向來會連骨上碟，指：「係勁多骨㗎！」、「筲箕灣分店都係，我屋企人由好耐之前食有三分之二都係肉，到早幾個月一半都係骨。」有網民指以前光顧時都會見到有骨頭，不過肉的份量較多：「好過分！以前成日食，就算半隻連骨都仲有好多肉架，又滑，一定唔係咁囉！」他又指手撕雞加價幅度大：「自從$45一份慢慢加到$65就無再食，宜家$85（手撕雞）仲要咁嘅樣真係抵佢執。」有網民建議事主應向Foodpanda反映情況。

事主向記者透露，已就遭遇向Foodpanda反映，表示：「其實基本上兩盒都係骨，只係有少少肉癡住咁樣，另外加埋嘅肉唔夠10舊！」Foodpanda亦回覆會以優惠券方式退款，亦提供直接將款項退回事主信用卡戶口的選擇。

記者就事件向Foodpanda查詢，至截稿暫未獲回覆。