將軍澳一日遊5大食玩買　Sanrio主題向日葵花海、海濱打卡睇日落

身為「美食沙漠」的將軍澳，一日遊有哪些好去處？《香港01》記者整理5大好去處，包括向日葵花海打卡、購物掃貨勝地「FRESH新鮮生活」、邊踩單車邊睇日落的海濱公園、文青cafe、小朋友放電之選將軍澳單車館公園！

【第一站】🛒購物掃生活用品貨@FRESH新鮮生活

「美食沙漠」中的「美食沙漠」康城上禮拜迎來生活概念店「FRESH新鮮生活」開幕，不少康城居民都期待而久！「FRESH」內有26個主題專區，肉類、蔬果、中西式熟食包括兩餸飯及三餸飯、壽司、海鮮等應有盡有，仲有不少即場製作美食！按下圖即睇有咩買👇👇

+10

FRESH新鮮生活
地址：新界將軍澳康城路一號The Lohas康城2樓201-201A號舖
營業時間：每日 09:00-23:00

【第二站】🏃小朋友放電必去@將軍澳單車館公園

帶住小朋友的話，不妨去將軍澳單車館公園放下電！單車館公園有多種遊樂設施，包括緩跑徑、極限運動場、兒童遊樂場，仲有人工湖、模型船池、中央大草坪等較靜態的設施。想野餐影相可以去大草地、想放電去遊樂場大玩特玩都得。有一個位置仲可以睇天空之鏡？按下圖即睇😍😍

將軍澳單車館公園
地址：將軍澳寶康路105-107號
電話： 2878 8621
如何前往：坑口站B2出口、將軍澳站A1出口

😋😋中午食lunch😋😋

【第三站】☕海傍文青Cafe歎咖啡@JOMO

想休閒地食件cake？將軍澳海傍的文青cafe JOMO一定啱你！Cafe分為露天及室內位置，最重要可以邊睇海景邊歎咖啡，可以瘋狂打卡，啱晒情侶拍拖、閨密相聚。最受歡迎的有各款口味的戚風蛋糕、卷蛋，仲有酸種麵包，按下圖即睇有邊款推介😋😋

JOMO Kitchen & Health Hub
地址：將軍澳唐俊街23號澳南海岸MONTEREY PLACE地下G01號舖
電話：2331 3003

【第四站】🌅踩住單車睇日落@將軍澳海濱公園

Cafe鄰近海濱長廊，食完蛋糕可以去散步或者踩單車，不過睇日落美景才是重點！海濱長廊連接將軍澳、調景嶺和康城，公園內設有單車徑及緩跑徑，仲有一個觀景台，可以望到港島小西灣附近景色。想知邊個位睇日落最正？按下圖即睇🌅🌅

【第五站】📸打卡向日葵花燈海@ PopWalk天晉滙

想睇向日葵一定要去信芯園？將軍澳都有得睇向日葵燈海！PopWalk天晉滙舉辦「SANRIO CHARACTERS盛夏幸福物語」主題活動，商場整個露天長廊變成20米長的向日葵花燈海走廊，仲有SANRIO超人氣角色AP鴨、布甸狗、Pochacco陪住你！想知商場仲有邊個打卡位？按下圖即睇

「SANRIO CHARACTERS盛夏幸福物語」
日期：即日至10月4日
地點：PopWalk 天晉滙各期商場

想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！ 👉👉香港好去處｜假日郊遊、離島放空、單車路線、食玩打卡｜不斷更新

🥰🥰🥰 同場加映：九龍城廣場擬重建　九龍城6大好去處　打卡牛棚藝術村/歎懷舊花卷 🥰🥰🥰

一講起九龍城就諗起泰國菜？記者今次就不推介泰國菜，反而帶你去試懷舊港式糕餅、中西合璧的特色咖啡店、藝術村打卡，仲有得睇隧道超大壁畫，保證你食玩買都有！按下圖即睇行程推介😎🤩

中藥店活化成中西融合cafe@大和堂咖啡店

擁有86年歷史的「大和堂蔘茸藥行」活化後成為中西交融的特色咖啡店！大和堂內保留不少中醫館的裝潢，包括舊式鐵閘、藥行的百字櫃、「大和堂」牌匾等，最適合打卡影相！有兩款特色創意美食必食！按下圖即睇😋😋