【日本中部】童話世界白川鄉合掌村 點燈日期、交通、住宿全攻略
每年合掌村點燈都會吸引一大班遊客去白川鄉 ，想一睹世界遺產人形木屋覆蓋喺雪地入面、襯埋閃令令嘅燈光，成個畫面溫馨又浪漫，而且錯過咗就要再等一年！但白川鄉點去？咁嘅旺季住宿又點訂？睇下呢篇合掌村交通住宿完整攻略，之後拿拿臨買機票執行李出發啦！
▶ 白川鄉合掌村點燈日期
合掌村已經公佈咗2019點燈日期，有計劃前往體驗合掌村點燈嘅美景就快啲將以下日期記低啦！點燈總共六回，都係喺星期日、星期一。14/1和11/2日為日本國定假日，點燈活動時間固定為晚上17:30-19:30。
第一回：14/1 (一）
第二回：20/1 (日）
第三回：27/1 (日）
第四回：3/2 (日）
第五回：11/2 (一）
第六回：17/2 (日）
2019新規定：點燈活動採完全預約制
為咗控制人數，喺點燈活動期間，如果沒有事先預約係入唔到村！想入村欣賞嘅朋友可以以下四種方法預約（資訊以官網為主，如果有新資訊，小編會盡快更新）：
1. 喺村內留宿：觀光協會8月中開放抽籤，或8月上旬官網會公布可以預約嘅民宿清單。
2. 利用當地停車場，當日自駕來回：觀光協會8月中開放抽籤，3,000円 /架（1架車最多坐8位乘客，9 – 12位乘客： 5,000円 /架），前往展望台嘅接駁巴士車票： 1,000円 / 位。
3. 乘坐旅遊巴士：請向各大旅行社查詢。
4. 乘坐公共巴士：請向各巴士公司查詢。
按圖看白川鄉合掌村點燈的美景！
▶ 合掌村點去？
1. 昇龍道票券
通常大家都會由名古屋出發去合掌村，而昇龍道票券就係大家最常用嘅交通券，入面包含咗好多可以搭嘅巴士路線，除咗合掌村之外，呢張交通券仲可以去埋其他地區㗎！有張昇龍道高速巴士周遊券喺手，日本中部交通都即刻輕鬆上手！
出發地：日本中部機場、名古屋、高山
目的地：名古屋、高山、金澤、白川、松本等地
票券種類：三日券、五日券
使用方式：憑通票可以喺指定日期內任意乘搭高速巴士
另外三日券同五日券都有啲一定要預約咗先搭得嘅路線：
2. 濃飛點燈巴士
基本上去白川鄉最常用嘅巴士就係濃飛巴士，經常會有人會由高山、金澤去白川鄉。至關於前往白川鄉高速巴士嘅路線查詢，大家可以參考下官網。另外，以下係2018年濃飛巴士針對點燈開放嘅巴士費用，大家可以參考埋～
高山出發：成人 日幣5,000，兒童2,500日圓
下呂出發：成人 日幣6,000，兒童3,000日圓
行程： 下呂→ 高山 → 白川鄉夜間點燈→ 高山→ 下呂
票券包含：往返巴士座位、合掌村民家園門票
預約辦法：一個月前開始受理預約，只接受電話預約～
詳細資料可以參考濃飛點燈巴士官網。以上嘅兩種方式適合想當日來回，或是冇打算住喺合掌村嘅人～
▶ 唔識日文點Book房？
喺合掌村嘅民宿多數由日本嘅長者經營，所以基本上都剩係識日文，而訂購方式亦都多數用電話、傳真或者E-mail，呢個時候如果唔識日文又冇日本朋友可以幫手，咁應該要點先可以喺合掌村留宿呢？呢度有兩種方法可以提供比大家參考：
1. 信用卡白金秘書
如果你張信用卡係白金卡Level，咁你可以睇下你有冇「信用卡白金秘書」呢個服務，如果有，咁你就可以打電話比你嘅發卡銀行、或者打比信用卡機構（Visa、Master Card等），之後就可以請專人幫你代為訂房！
2. 白川鄉觀光協會
如果上述嘅方法你用唔到，咁你都可以選擇搵白川鄉觀光協會代為訂房。雖然佢哋都係用日文嘅操作介面，但相對嚟講就方便好多，亦都唔洗用日本打電話溝通～
按圖看白川鄉觀光協會的book房步驟！
小編就建議大家可以喺詢問內容嘅地方填多幾間住宿，咁遇到想訂嘅民宿已經爆額嘅情況時，觀光協會嘅人就可以直接幫你問埋其他民宿。另外如果可以訂，都要再次回信答覆返係咪要確認預訂。留意返，第二欄係要填寫中文轉換後嘅日文拼音㗎！如果大家都係覺得用觀光協會訂民宿麻煩，咁你都可以考慮「大田屋」，呢間民宿有提供英文嘅訂房服務！
▶ 注意事項
1. 2019新規定：展望台嘅接駁巴士必須事前預約好
合掌村上年規定點燈期間前往展望台時要乘搭接駁巴士，今年多咗規定係搭接駁巴士要事前預約，並且要整理券先可以入場，當日入住白川鄉民宿者會優先得到整理券，到時候只需要出示訂房資訊即可。
整理券販售場所：JA駐車場
販賣時間：16:00~售完即止
金額：500日元
2. 2019新規定：只有持有停車許可的車輛方可在停車場停泊
為咗控制人流，合掌村喺點燈期間規定只有持有停車許可證嘅車輛先可以喺停車場停車，自由行嘅旅客只可以依賴巴士。
3. 部分巴士班次會採取預約制
因為白川鄉夜間點燈舉辦日可能會適逢公車「高山－白川鄉線」運行日，所以交通可能會變得擁塞，部分嘅班次運行時會改變搭乘方式，即係平時唔洗預約嘅班次會改用預約制，而詳細資訊就以官網公佈為準，所以小編建議大家出發前事要先查詢各大高速巴士嘅官網～
4. 訂房需要提早訂購
基本上白川鄉嘅民宿預約會由10月份開始開放，部份就由11、12 月份開始。如果已經確定要去，最好一早做定功課，一開賣就唔好等，以勿錯過時機呀！
5. 相機、手機要預足電
因為合掌村天氣比較凍，會導致手機或者相機電池消耗得比較快，所以出發前一定要充滿電，或者帶埋隨身充電器，以防冇電嘅時候可以用到。
6. 電筒、遮、防滑靴
因為係夜間點燈，所以會喺比較暗嘅路度行，開住電筒係相對嚟講比較安全嘅方式；另外可能會遇到落大雪嘅情形，所以亦都最好帶埋遮，咁就唔驚會淋濕而冷親；另外路面濕滑嘅關係亦都比較建議着防滑嘅靴，咁就可以避免跌親之類嘅意外。
7. 夜晚超凍
去到合掌村，羽絨外套、頸巾、冷衫、手套、帽，任何可以保暖嘅野都唔好漏低呀！！下晝嘅氣溫已經好低，夜晚睇點燈時只會更凍！而且積雪好厚，建議着容易活動、輕便嘅衣物。
8. 唔係每個地方都可以Set腳架
最後要注意嘅地方係，想影靚相嘅人，唔係每個地方都可以Set腳架㗎！山坡地因為積雪同地勢嘅關係，Set腳架係好危險嘅事，通常合掌村會設立一個可以Set腳架嘅空間，但多數都要好早就開始排隊、霸位。
以上就係KKday為大家整合嘅合掌村點燈攻略，祝大家都可以成功咁欣賞到呢個又壯觀又浪漫嘅點燈靚景啦！
【本文獲「KKday」授權轉載。】