【石垣．度假村】Club Med Kabira望靚海景玩浮潛 任飲沖繩生啤
暑假好多人愛去沖繩島同陽光玩遊戲，而距離沖繩只有1小時機程的石垣島，是另一個遠離煩囂的好選擇。而在石垣島西北邊的Club Med Kabira，整座度假村被一個湛藍海灣包圍，入住這裡可以足不出戶，玩浮潛、standing paddle，晚上可欣賞歌舞 show，Buffet 仲有無限Orion生啤、清酒任飲，想hea住石垣依到就啱晒喇。
攝影：陳詩雅
住宿篇
飲食篇
只要入住 Club Med 早、午、晚三餐均可到餐廳享用美食，食物款式算多但以西式食物為主，不同日本傳統日式buffet。其中記者最最最欣賞的是可以任飲沖繩地道品牌Orion生啤，另外仲有清酒任飲，如果你係酒徒真係可以由朝飲到晚，好爽。
活動及設施篇
留在Club Med度假村內可以自給自足，因為想玩的活動有動有靜，空中飛人、Shi-sa-工作坊、出海浮潛、扒獨木舟、滑浪風帆、Stand-up Paddle Board等等，總有一樣啱你玩。
空中飛人
如果你喜歡挑戰難度，可以試玩空中飛人！只要夠11歲就可以參加，在場教練會替你穿上安全帶，並教你學懂飛人的基本姿勢，玩得開心又安全。
水上活動
眾多水上活動中，記者最喜愛浮潛！可以深入石垣海洋探索湛藍世界，仲見到好多熱帶魚，只要年滿11歲的小朋友就可以參加，在這裡上一堂海洋生物課也不錯呀。
夜生活
在Club Med內的夜生活其實很健康，其中最搞笑的有日間替客人服務的GO職員（Gentle Organizer），晚上就變身為歌舞演員，在theater內化身經典歌星扮鬼扮馬，音響燈光舞蹈表演認真，絕不馬虎。
Club Med Kabira Ishigaki
地址：1 Banchi Ishizaki, Kabira, Ishigaki City ,Okinawa 907-0453 Japan
電話：+81 980-84-4600