759阿信屋55折購物實試！優惠有條件限制、仲要識計數...

759阿信屋最近又有大優惠，最平55折購物，實在是非常吸引！但要獲得55折優惠並非人人都得，不單要滿足2個條件，更要識得計數先得。記者立刻動身實試，睇睇點做先賺盡優惠。

平日759阿信屋都已經有長期折扣優惠，只需要有會員卡，就可以獲取一定折扣優惠。不過高達55折的優惠，又要如何先做到呢？原來是最近匯豐信用卡正在做限時優惠，只需要是卡戶，於759阿信屋購物滿70元或以上，使用以下三款手機電子錢包付款（包括Apple pay、Google Pay及Samsung Pay），就可以即時獲得20元額外折扣。

呢個優惠由即日至12月13日可1日用1次，即教你如何賺到最盡。

換句說話講，首先用家是匯豐信用卡的卡主，更要將信用卡加入了包括Apple pay、Google Pay或Samsung Pay其一電子錢包內，在759購物$70或以上，埋單時便可以立刻獲取20元折扣優惠。

－－＞ToySoul 2018 亞洲玩具展 網上預購電子票 點擊連結 ＜－－ （只支援手機購票，過程中需以電話號碼確認會員身份）

記者親身前往759購物實測，由於你買幾多錢，最終都是20元回贈，而每一日只能用一次優惠，想賺盡的話，只需要購買公價91元左右產品，扣除近來「恆常」的77折優惠，再配合這次信用卡20元回贈，埋單只需要約50元，接近55折的優惠！而這個優惠由即日至12月13日為止，想拎盡優惠購物就要留意了。

55折購物簡單幾個步驟（按下圖解說）