【大學飯堂大比併】 3星米芝蓮十幾蚊　日本大學$7頹飯食啲乜？

大學飯堂用$15-18買碟頹飯，選擇有餐蛋腸仔飯，腸仔蛋餐肉飯、又或者肉醬飯等。付出多10蚊，選擇由燒味、車仔麵至普通西餐都有，感覺都不太差。不過，當見到日本各大學飯堂的套餐，用230至850日圓，由烏冬、拉麵至刺身定食都有，真是既羨慕又妒忌，同樣10幾蚊香港食頹飯，日本飯堂就可以買到碗星級拉麵，真想回到過去做日本學生。
圖：各日本大學網站

神奈川大學    100円套餐

神奈川大學的飯堂真是平絕日本，100円（$7）在香港只可以吃到一串燒買。不過在神奈川大學就可以吃到一個定食套餐。特價套餐優惠只為學生而設，教職員或街客就要付出300円（$21）

東洋大學    日本第一食堂

東洋大學是日本東京的私立大學，大學白山校區的飯堂在日本大學界非常有名氣，曾被選為「日本大學食堂」第一名。飯堂非常有心思，餐單每個月轉一次，學校網頁介紹說，這裡什麼菜式都有，日本、洋食、東南亞菜一樣俱全，以日本本土料理為例，都有北海道和沖繩不同的風味，強調轉換菜式是為了令未離開過東京的學生都可以品嘗到其他地區的料理，如此體貼的飯堂，還有第二間嗎？

青山學院大學   十幾蚊3星米芝蓮

臨近澀谷的青山學院大學飯堂的食物被譽為有三星米芝蓮級數，但就是茶餐廳的價錢。親子丼360円、炸雞480円、拉麵都只是230円，抵食又有水準。