【豆腐食譜】糖醋豆腐酸甜開胃！硬豆腐炒餸不易散開
撰文：唐家儀
出版：更新：
平時食糖醋多數用來炒排骨或者魚塊，今次想食清一點，以豆腐配糖醋，加埋三色椒，賣相色彩鮮艷，開胃美味！
攝影、剪接：李賢華
嫩滑豆腐可創作的菜式非常多，今次簡單來個炒豆腐，配合糖醋汁，再加菠蘿和三色椒，酸甜美味，連準備時間大概用20分鐘便可以完成的菜式。
若想用來宵夜，可以再簡單一點，單炒豆腐配糖醋汁，拌飯一流！
健康小貼士：豆腐內的大豆蛋白，不含膽固醇和脂肪，有助預防心血管疾病。而且有維他命E和鈣質，有效預防骨質疏鬆。
煮食小貼士：以硬豆腐或板豆腐來炒餸，豆腐無咁容易炒碎；以大火煎香後，面層微微脆口，就算不上炸粉漿都夠香口。
相關食譜：【豆腐食譜】豉汁帶子蒸豆腐低卡惹味 低溫解凍帶子2大好處！
相關食譜：【豆腐食譜】肉碎蒸豆腐低卡有營 輕便家常菜$20都唔使！
| 食譜 | 糖醋豆腐（炒） |
| 材料 | 硬豆腐1盒、紅椒¼個、黃椒¼個、青椒¼個、菠蘿片2塊 |
| 醬汁 | 茄汁3湯匙、糖1.5湯匙、白醋1湯匙、豉油1湯匙、水2湯匙、生粉2茶匙 |
| 做法 | 1. 將豆腐、紅椒、黃椒、青椒、菠蘿洗淨，並切粒備用。 |
| 2. 將醬汁撈勻備用。 | |
| 3. 開鑊落油，大火先煎香豆腐兩邊，炒完拿起備用。 | |
| 4. 落紅椒、黃椒和青椒，炒香。 | |
| 5. 落菠蘿和豆腐炒香。 | |
| 6. 落醬汁和適量的水，煮大概8-10分鐘後即成。 |
【豆腐食譜】皮蛋肉鬆豆腐自家混醬代替醬油膏 餐前菜宴客好幫手【豆腐食譜】老少平安豆腐雞蛋魚肉搗爛蒸 10分鐘有得食！鹹蛋豆腐食譜：甘香嫩滑下飯一流 價廉物美的簡單家常菜【椒鹽豆腐食譜】大牌檔冬菇亭港式風味 難忘美味香脆可口簡單製
【周五心意運動】您捐一封$50利是，已可為基層送上溫飽，01心意呼籲您支持【食德好】，每$50可為12個家庭提供一餐回收蔬果及食物 。