【廚師腸破產】網友感嘆：燒烤界最黑暗一天！除BBQ仲可以點食？
撰文：鄧穎琪
出版：更新：
冇廚師腸食，世界末日㗎喇！自從傳出Zacky Farms破產消息後，許多由細食廚師腸食到大的網民都大受打擊，網上一片哀嚎，叫苦連天表示冇廚師腸食仿如世界末日！但其實都好難怪網友如此傷心，因為廚師腸勝在夠百搭又易煮，除了BBQ，究竟仲可以點活用廚師腸？以下就為大家提供幾個食譜。
自11月中有外媒傳出「廚師腸」美國生產商Zacky Farms破產後，消息近日終傳到香港，原來Zacky Farms早前已遞交破產申請保護令，負債金額約為5000萬至1億美元，生產商更關閉生產廠房，475個員工頓時失業，消息更指2019年1月19日便是Zacky Farms的”Last day”。而Zacky Farms負責人Lilian Zacky向傳媒表示，這是一門營運四代的家族生意，惜如今因大環境改變，已再難經營下去，「廚師腸」恐怕要跟大家講拜拜。
然而，「廚師腸」幾十年來陪住香港人成長，不論是燒烤、野餐、火鍋、食麵包、煮公仔麵，它都是大家的良伴，故消息傳出後網友紛紛哀嘆，並指昨天是「香港最黑暗一天！」「世界末日㗎喇！」網友洗版式推Post，流露出對廚師腸前所未見的熱愛，對廚師腸一事比起立法會補選關注度更高。另外也有人自爆識人做凍肉舖，近來已經冇再返貨，令消息更似層層。網友一時間似乎無法接受這個「噩耗」，直言要大手購入，囤積廚師腸甚或留畀個孫食，香港人出名鍾意炒賣，未知稍後會否連廚師腸都炒得起？
按圖即睇網友傷心欲絕的留言！
+7
香港人失去的「集體回憶」已經夠多，雖然市面上仍然有廚師腸賣，但凍肉舖亦表示目前供貨量緊張，有關方面甚至採用配給制，所以趁住廚師腸有得食就好食了。現時網友密切留意住各區超級市場的廚師腸貨量，並即時在網上報告。而除了燒烤及煮公仔麵之後之外，以下就精選幾個腸仔食譜！