【飲食熱話】霆鋒落區試食鋒味漢堡　網友惡搞餐紙幫謝霆鋒易容！

謝霆鋒近年轉戰廚壇，雖然有時會因為行為Chok得滯被網友譏笑，不過「鋒味」的確成功突圍。儘管網友多叫它”Chef Le Mon” ，但近日霆鋒以”Chef Nic”之名跟麥當勞合作，炮製出「鋒味安格斯煎蛋肉醬包」等「鋒味」系列食品，日前他更親自去麥當勞試食和派包，成功於網上引起迴響，有人更惡搞印有霆鋒樣貌的餐紙，又有一大堆激讚「鋒味包」的留言，縱使被轟是打手，但無論是真心還是曲線，許多都浮誇得爆笑。

謝霆鋒近日與麥當勞合作推出「鋒味安格斯煎蛋肉醬包」、「鋒味港式燒味風味調味粉」、「鋒味橙汁雜飲」和「鋒味曲奇奶茶麥旋風」，發賣首日已成網上熱話，為配合宣傳，霆鋒更推出廣東歌《青空》，在黃金時段播放。由於網上「打手」眾多，每逢有人讚某間餐廳總會被轟打手，但今次激讚「鋒味」的大批網民，即使起初被質疑為打手，到頭來居然有另一堆連登仔不知真心還是玩膠，紛紛讚埋一份，例如讚霆鋒有良心、蝕住做，更誇張到自稱不惜欠下巨款都要畀錢食鋒味包！此外，當有人問起下次應該出甚麼口味的Shake Shake粉時，有人甚至重提上年《十二道鋒味》中「磨刀鐵粉」整威靈頓牛一事，建議它加推「磨刀鐵粉味Shake Shake粉」。

事不宜遲，按圖即睇網友留言！

經過連番討論後，許多人都Post了自己吃的「鋒味包」，當中質素參差不齊，有的完完整整，有的就包皮與內餡嚴重分離、肉醬太少、蛋黃醬太多等，記者曾於凌晨時分去到大角咀分店實測，個包都頗為「靚仔」。

按圖睇記者及網民實試這個包的漢堡賣相！

見到漢堡包質素不一，有人就開Post問「其實謝霆鋒自己有冇試過個包？」未知霆鋒是否見到留言，最終竟然真的成功召喚霆鋒去金鐘M記，品嘗自己出品的大作，還派包畀市民，不過最好笑是他去點完餐冇錢畀，要經理人霍汶希（Mani）救駕！

霆鋒「落區」相當大陣仗，按圖睇更多他幫襯金鐘M記的實況！

除討論區之外，英皇娛樂亦在旗下專頁「冤枉娛樂」舉辦「霆鋒創意惡搞大賽」，讓網友在餐紙上用茄汁和薯條幫霆鋒「化妝」，霆鋒不但任畫唔嬲，還十分欣賞網友的創意。有網友大讚霆鋒EQ高，當然啦，畢竟他都經歷過許多風風雨雨，甚至流傳住他曾在片場幫自己傷口縫針喎，「他知道，哭是沒有用的……」

不過講多無謂，即按圖睇部份參賽作品！