【懷舊好去處】老夫子鐵甲人麵店回到過去　車仔麵為何叫車仔麵？

車仔麵最吸引人的是食客可自由選擇麵條、湯汁、醬汁及配料，「車仔麵式」的經營令不少食客感到有自由、有趣味；自己揀、自己發辦。一碗碗車仔麵獨一無二，度身訂做，多餸少餸，明碼實價，任君選擇。
攝影：鄭子峰

「車仔麵」香港的特色麵食，50年代的車仔麵是當時內地人湧到香港生活的生計，舊時檔主以改裝過的木頭手推車（車仔）流動販賣熱騰騰的麵，因此約定俗成為「車仔麵」。車仔上半部有「煮食格」，分別放置湯汁、麵條及配料（餸），車仔下半部裝有爐具，通常使用石油氣作燃料。現今「車仔麵式」的經營門庭若市，茶餐廳、雲南米線店及街市小食檔也均參與其中。

雖然，車仔麵有時被帶到酒店「大枱」，配花膠鮑魚豪嘆豪食，不過，夠「貼地」最平民化的車仔麵，始終有口皆碑。清嫩多汁甜入心的白蘿蔔、懷舊風味濃的陳皮魚蛋、秘製腩肉、鳳爪及用青檸汁代替醋製的酸齋，果酸味天然不灼喉。

按圖睇有咩地道港式美食？

伴隨地道的港式情懷美食，一些昔日香港足跡，例如老夫子漫畫、屋邨鐵閘與鐵皮信箱、黑膠唱片、古董電話……，一幕幕集體回憶彷彿回到過去，喚起藏匿心中的戀舊情意。正細味欣賞之際，負責人告知稍後會聯繫不同的收藏家、本土製造單位一起合辦懷舊物展覽，或展示更多香港製造（Made in HK）的特色產品撐香港精神。

按圖遊覽懷舊珍藏（小心輕放）：

車仔之家
地址：九龍旺角通菜街187號地舖
電話：23201884
營業時間：12:00-22:00