【父子決裂】澄清從無與父爭土地生意　陳崇輝：為環保從政

打鼓嶺坪洋村後人陳金華今(29日) 在報章刊登，與北區區議會當然議員、打鼓嶺鄉事委員會主席的長子陳崇輝脫離父子關係。及後有消息指，父子二人因爭奪一宗20萬呎農地的交易，致二人關係惡化引發事件。
陳崇輝接受《香港01》訪問時否認有關指控，認為是抹黑，因自己年輕時一直從事證券業，從未涉足土地生意。他又指，事件對妻子和家人造成極大傷害，「我唔想件事影響我太太，我根本唔係建制派，甚至唔係鄉事派，以前林卓廷搞街市衛生同反圍標，我哋都有合作，我覺得啱嘅就會支持。」
林卓廷則表示，自己在地區事務上與陳相識，他人的家事不便評論，但認為陳「冇乜嘢，係一個好平和嘅人。」

陳崇輝表示，「我10幾歲已經出門，因為老豆唔係好養家，我就一路捱世界」，他指，期間甚少與父親聯絡，「我長期都係住英國，歐洲同香港之間飛來飛去」。

他又指，自己不是搞政治的人，從政完全是因為要「保護鄉土」，「當時我個立場係，新界基建好差，好想整走個堆填區。」

至於有人因其妻子是已故解放軍上將董其武外孫女而攻擊她，陳崇輝就指，以父輩的身份攻擊一個人，「完全是人身攻擊。」

強調不是建制派　與林卓廷有合作

他又強調，自己很少在政治上發言，參政純粹因為鄉民對環保議題缺乏認知，「有鄉紳揾我幫手對抗起堆填區」，又指自己雖是原居民，但長期不在新界居住，在新界亦是「出咗名唔掂啲土地嘢」。他又認為自己並非建制派，「我同林卓廷都合作過搞街市衛生問題，只要民主派做得合理，我都會撐，我都支持過林卓廷搞反圍標。」

陳崇輝隨後又指，父親與他脫離父子關係的主因，是因為父親「深圳個女人」爭奪母親的財產，「佢（父親）聲稱係想要我媽媽嘅全部資產。」陳又補充，父親近年多次騷擾母親，約半年前甚至登門施襲，最終報警收場，「我媽媽70幾歲，佢打我媽，要阿媽將所有資產過曬俾佢，仲要叫我幫佢逼阿媽，係咁荒謬，我真係做唔出。」

至於他與父親有生意糾紛的傳言，陳就指，「呢個仲離譜，我從未做過任何一分錢關於土地嘅生意……所有鄉頭到都知道，我出咗名唔牽涉土地嘅野，我平時亦唔住新界……蓮塘口岸規劃，堆填區嘅嘢我會出聲，因為係環保議題。」

不排除事件關乎選舉

陳又指，不排除父親因爭奪母親財產，而慫恿與他不和的鄉紳打擊他，「完全係有目的性，關乎選舉」。他表示，今次事件令他深感唏噓，「雖然好多鄉紳都支持我，上次特首選委，我亦係最高票嗰個，但我真係好少參與政治，我只想專注係地區，好少捲入政治鬥爭。」