90後財演不派「冧巴」　榮登袁澧林Top Fan　渾水「率性做自己」

香港地金融圈處處有「山頭」，偏有率性年輕人無家世，只靠文字反串財金界，殺出一條自己獨有搵食財路，不派「冧巴」，挑明金融暗戰技倆，用支筆呈現出這個活色生香的名利場。
這位創板上市公司執董、90後財經專欄作家渾水在不同傳媒都有專欄，近期再著新書，明言講「規則上的揭秘，行內人的應對、或繞過規則的方式」。在財演充斥的金融圈，渾水有一份堅持，自言「我係率性做自己」。

筆名渾水的黃兆祺今年27歲，單是出任壹家壹品（8101）執董每年已袋36萬元，專玩「細價股」，鑽研當中千變萬化的財技，近期出新書《暗黑金融學》，明言是「規則上的揭秘，行內人的應對、或繞過規則的方式」的技倆。

這本書雖然撰寫不同財技操作，渾水今次是以一個旁觀者、軍師的角色論及股壇事件，直言最吸睛的永遠都是股權鬥爭，「好多財技寫出來都唔fancy，一單反收購好多技術、法律上嘅嘢，但再暗黑、『拿渣』 啲就涉及到幫派、拳頭交，就真係無辦法係書中寫出」。

佩服「財演」凡事有「insight​」

渾水的筆尖自然不放過一眾「財經演員」，他認為「財演」定義甚廣，上至香港財政司司長陳茂波，下至他本人都自認是「財演」。「小米第一日跌到阿媽都唔認得，﹙記者﹚問佢（陳茂波）點樣睇呢，佢話相信呢個都係短期股價波動，長遠相信同股不同權……」小米（1810）作為本港首隻「同股不同權」股份上市，陳茂波亦有出席，但渾水認為，他作為高官，不應「財演」上身為小米撐場。

只不過，「財演」也有令渾水佩服的地方，「香港2千多間上市公司，每一間都可以『say something』，講啲見解出來，我唔得，但財演得囉！係好短時間講到幾個insight，買同唔買、支持位係邊」。

置身在金融圈，往往利益至上，渾水偏講究「江湖道義」，最厭惡「忘恩負義」的財演，他不點名稱，許多財演背後有證券行支持，但背後金主倒台，就馬上撇清，並大數前老闆不是，他直言︰「當人地畀過幾百萬你，一萬把刀係咁插，仲要公開地講，就有點兒『那個』！」

不派「冧巴」吸客

既然渾水自言不及其他「財演」，亦不派「冧巴」，用文字吸觀眾，他又有何獨特之處？方法是「率性做自己」，他在自己社交網站專頁不時抨擊時弊，諷刺政治，可以話非常「貼市」；更常談社會不公、晉升上位難的話題，連葉劉、Angela Yuen的圖輯都經常搬出來「抽水」，常與讀者互動，大Sell「貼地」形象。

「派冧巴以前都好work」他續稱，現時財演生態改為開「Live」直接評論市場變化，而金融市場瞬息萬變，倒不如撰寫無太大時效性的文章，把自己的工作經驗、閱歷寫出來，成為自己武器和優勢。

時代既然不同，但仍選擇文字表達自己。渾水卻自認是「怕醜仔」，執筆不用「睇人面色」，「唔使諗咁多，是把自己想法排山倒海一股腦兒咁寫出來」。至於文字日後仲有無生存空間，他就認為專欄影響力雖大不如前，但會遇強愈強，「唯有逼自己做最TOP嘅5%、20%先可以生存到，自己再精益求益」。

單刀赴大老闆之約

渾水在網上鋒芒畢露，有時更向「大老闆」開刀，文字更不遮遮掩掩，他坦言因文字得罪人，「通常得罪人之後，佢地應對我的方式，唔係大家諗到咁咩」。原來是無打「拳頭交」、無淋紅油，相反地，「係好溫和地打電話約見」。

他舉例道︰「譬如我得罪左個百幾億身家的老闆，寫過佢啲咁嘅嘢啦，跟住佢搵中間人來同我講話『呢條友寫啲嘢都幾串喎，幾得意喎，不如約佢上來打poker啊，打﹙注碼﹚唔係好大姐』」。形勢逼人低頭，他於是單刀赴會，但結局就出人意料，「真係大家傾下計，上去都係蒲一蒲頭，無落注無盛嘅。」渾水續稱「無理由同呢啲level同一張台上對打架嘛，咁咪蒲下頭say個hi，亦都唔好阻住佢玩得開心。」

他相信成功的「大老闆」不是出手就要攻擊你，都是和平地相互結識，交一個朋友，「化干戈為玉帛」。「得罪人我就唔係好驚，so far我得罪的人都唔係用啲好harsh的手段去對我，所以都唔係好驚的，暫時仲係用文明方式解決處理」渾水道。