寧願搵少啲　仍願服務棄養狗狗　蓮姐：難捨與牠們的8年情！

「打工仔」生活壓力大、負擔重，每天辛勞工作，為的是月尾那份糧，就算有多不情願，為了家庭、生活終需埋頭苦幹向現實低頭！到底還有多少上班族可帶着抱負工作？人工低也願意繼續做？
蓮姐是內地來港的新移民，13年前來港後，一直從事飲食行業，茶餐廳的樓面工作，收入還勉強應付得到家庭開支。然而，在因緣際會下於8年前轉行投身動物社福工作。雖然收入減少、工作辛勞，很相信緣份的蓮姐每日面對一班可愛的狗狗，卻認為滿足感前所未有。「我自己都冇諗過，一做就做咗8年，但我現在好開心，我願意！」

愛子心切轉行成契機

一句「我願意」，已感受到蓮姐的決心！記者曾多次接觸蓮姐，感覺到她為人踏實，是一位說話算話、不怕艱苦的老實人。蓮姐表示，回想當年從內地來港定居，有很多方面都需要重新適應，沒有其他人幫忙，生活壓力頗沉重，當時唯一給予她動力支撐下去的，只有她的家人，而蓮姐與狗結緣，這故事也要從她的家人說起。

8年前，蓮姐只偶然間由飲食業轉投動物社福界，坦言從小到大對「動保」沒有太大意識。然而，令她有所轉變就是她的兒子，她說：「做茶餐廳人工點都會比而家高，不過嗰時阿仔難教，成日都逃學，喺香港冇人幫到我睇仔，唯有自己睇。我寧願搵少啲，搵一份時間就得到，又近屋企嘅工，唔想阿仔學壞，結果就搵咗呢度（香港動物領養中心）。」

工作辛勞曾想放棄

這家動物收容所位於屯門，蓮姐每天上班來回只需十多分鐘路程。雖然時間、地點方便她看顧兒子，但相比之前的茶餐廳工作，除了收入減少，她形容這工作頗具厭惡性和辛苦，初時曾令她萌生放棄念頭。香港動物領養中心所接收的動物以狗隻為主，記者粗略點算過，場內約有50至60隻待領狗狗，而負責中心各項工作的職員，除了蓮姐外還有另一位女工。每天一早回來，蓮姐和同事會先清潔狗籠和打掃地方，保持牠們的居住環境衛生，接着就是一連串的流程：餵飼、洗澡、餵葯、放狗，要照顧數十隻狗，工作量一點也不少。

蓮姐：「初時諗住做到等阿仔大啲定性啲，就會轉番出面做，始終出面人工高啲。呢邊因為做慈善，人工唔會多。做咗兩三個月，我有諗過唔做喇，因為太辛苦，每日除咗餵狗，就要不停清潔。嗰時同啲狗都未有太多感情，只係負責人勸我留低。」

難阻狗隻再被遺棄　鐵心溶化

當談及每隻狗狗的遭遇，蓮姐會逾說逾激動，愛護狗狗的心比誰都要着緊。到底發生過什麼事，令蓮姐有如此大的改變？「我喺大陸過嚟，嗰邊冇人講動物保護，甚至覺得狗可以用嚟食，所以由細到大都冇好留意呢方面嘅嘢，你問我幾時可以變，都係做咗呢份工開始，真係令我開始著緊，就要講Rocky。」

拳師犬Rocky遭遇坎坷，曾多次被人遺棄，慘痛過去令蓮姐為之動容。「其實不經不覺對佢哋有感情，咁多隻狗，每一隻我都記得佢哋啲名，最大感觸係Rocky，Rocky之前被人遺棄到我哋中心，住咗一年左右被人領養，以為佢會有個屋企，但個主人遲遲都唔改晶片資料，資料仍然係我哋中心，都覺得唔妥，養咗一年左右，最後主人將佢留喺寵物美容中心，然後失埋蹤，聯絡唔到，寵物店就靠晶片聯絡我哋，Rocky又番嚟我哋呢度，但最慘同令我最嬲嘅係，佢全身已經患有好嚴重嘅皮膚病，你望到佢嘅眼神係冇晒精神，個心好痛……嗰時就發覺，原來佢哋對我好重要！」

香港動物領養中心​仍有很多可愛狗狗待領（點圖放大）

蓮姐表示，雖然中心資源有限，但來到這裏的狗狗全部都好幸福，每一隻都會由中心照顧百年歸老。每逢周末，中心都有大批義工來忙幫，同心協力做好一件事。蓮姐：「冇咩工作會比而家更有滿足感，錢係重要，但我唔會捨得佢哋，有意義嘅工作更難搵！」

文化差異確實令不少港人對新移民留有誤解，但只要大家毋忘初心，總會尋找到共識，化解矛盾。蓮姐的故事證明，保護動物的心沒有地域界限之分。流浪動物是社會中弱勢中的弱勢，牠們需要的是我們的關愛和照顧，但眼見部分動物義工及組織只顧互相指責和猜忌，倒不如效法蓮姐，懷着愛心默默耕耘，為動物幹多點實事。

鳴謝：香港動物領養中心